Press Release Dated Serchhip, the 8th September 2026

Serchhip-ah balhla leh a kung atanga thil chi hrang hrang siamna tura din ‘common facility centre’ hman a nih thuai theih dan tur chungchang sawi ho

Dated Serchhip, the 8th September 2026: Vawiin khan Serchhip Zuangleng rama Common Facility Centre – balhla atanga paper, fibre, leitha leh balhla chips te siamna tura din chu hlawhtling taka hman a nih thuai theih dan tur, District Bawrhsap Pu Paul L. Khuma hovin sawi ho a ni.

Vawiin thutkhawmah hian CFC-a hnathawktu tur lak chungchang te, Balhla stem lakkhawm leh farmer inhlawmkhawm dan tur te, a man (rate) chungchang te, a phurhkualna tur vehicle chungchang te, tui leh power supply changtlung tak a awm theihna turte, chak taka hnathawh a nih theih nana hmalaknate enpui a, vilzui tur Project Management & Monitoring Committee din dan turte leh thawh hona tha zawk a awm theih dan turte rel a ni.

Common Facility Centre sak hna hi NECTAR funded project niin, Implementing Agency hi APRINS, Guwahati te an ni a. Kum 99 chhung atan ram hi hawh (lease) niin, nikum 2025 khan in hi sak zawh a ni a, October ni 15, 2025 khan Chief Minister-in a lo hawng tawh a; kumin August thla khan khawl leh bungrua awm turte dah fel a ni tawh a ni.

Vawiin thutkhawmah hian Bawrhsap Pu Paul L Khuma chuan he project-a mawhphurtu leh, tih hlawhtlin hna thawktu ber Implementing Agency ARPINS te chu chak taka hma la tura hrilhin Project Monitoring Team kaltlanga chak taka enzui reng an nih tur thu a hrilh a ni.

Meeting-ah hian NECTAR leh ARPINS hotute, concerned department hrang hrang hotute bakah Zawlpui Agro Farmer’s Producer Company te an tel a ni.

Pr. No. 252/2026 (SCP) Dated Serchhip 8th September, 2026
Issued by District Information and Public Relations Officer; Serchhip District, Serchhip.