Press Release Dated Serchhip, the 3rd June 2026

LOK SABHA MP PU RICHARD VANLALHMANGAIHA HOVIN SERCHHIP-AH DISHA THUTKHAWM NEIH A NI

Dated Serchhip, the 3rd June 2026: Vawiin khan District Development Coordination Monitoring Committee DISHA, Serchhip District chu Pu Richard Vanlalhmangaiha, MP Lok Sabha hovin an ṭhukhawm.
Pu Richard Vanlalhmangaiha chuan DISHA chu Central sawrkarin a ngaih pawimawh thu sawiin meeting chu hmang ṭangkai turin memberte a chah a, India sawrkar programme leh scheme hrang hrangte chu hlawk thei ang bera hman a nih theih nan DISHA chu a pawimawh em em a ni, a ti.
Meeting hi District Bawrhsap leh DISHA Member Secretary ni bawk Pu Paul L. Khuma chuan a kaihruai a. Dr. Malsawmtluanga Fanchun, Project Director, DRDO chuan DISHA Meeting hnuhnung ber thurel bawhzui a nih dan a pharh a, committee thurel bawhzui a nih dan chu a ṭha thawkhata ngaih a ni.
Serchhip District DISHA ah hian Centrally Sponsored Scheme chi hrang hrang hmanga District chhunga hna thawhte thlirho a ni a. Department hrang hranga District Office enkawltute chuan an kova tla CSS chungchanga an hmalak tawh dante leh an hmachhawpte an sawi fiah a, sawihona hun hman a ni.
DISHA-ah hian MP Lok Sabha chu Chairman niin MP Rajya Sabha chu Co-Chiarman a ni a, District chhunga MLA zawng zawngte chu member an nih bakah khawtlanga mi rawnkai thlan chhuah mi 3 member an ni bawk a. District chhunga CSS enkawltu department hotute an tel bawk a ni.

Pr. No. 148/2026 (SCP) Dated Serchhip 3rd June, 2026
Issued by District Information and Public Relations Officer; Serchhip District, Serchhip.