Press Release Dated Serchhip, the 30th October, 2026

Lok Sabha MP Pu Richard Vanlalhmangaiha hovin Serchhip-ah DISHA meeting neih a ni

Dated Serchhip, the 30th October, 2026: Vawiin khan District Development Co-ordination and Monitoring Committee (DISHA) 3rd Quarter Meeting for FY 2026-2027 (July-September) chu an Chairman Lok Sabha MP Pu Richard Vanlalhmangaiha hovin DC Conference Hall, Serchhip-ah neih a ni.

Lok Sabha MP Pu Richard Vanlalhmangaiha chuan DISHA chu Central sawrkarin a ngaih pawimawh thu sawiin, India sawrkar programme leh scheme hrang hrangte, a hlawk thei ang bera hman a pawimawh thu a sawi a. Sawrkar laipui scheme-te tih hlawhtlin a nih theih nana thawktu Department hrang hrangte chungah lawmthu sawiin, neitu thinlung pua thahnemngai taka thawk zel turin a fuih a. Department hrang hrangte harsatnate ngaihthlak sakin, an hma lak leh zelna turah harsatna an neih chuan inthlahrung lova a hnen thlen hreh lo turin a chah bawk.

Deputy Commissioner Pu Paul L. Khuma chuan DISHA Meeting chu Department hrang hrangten eng nge an tih theih tihte inhriat tawnna tha tak a nih thu sawiin, Department hrang hrangte thawh ho theihna lai zawnna pawimawh tak a nih thu a sawi bawk.

Meeting-ah hian Centrally Sponsored Scheme (CSS) chi hrang hrang hmanga Serchhip District chhunga hna thawhte thlir ho niin Scheme changtu Department hrang hrangte’n an hmalak dan report an pe a, zawhna leh chhanna hunte hman niin hma lak zel dan turte rel a ni a; Non-Official Member (khawtlang aiawh) te pawhin zawhnate zawtin, khawtlang harsatnate an thlen bawk a, a chin fel dan turte sawi ho a ni bawk.

Vawiin vek khan MP hian Serchhip District chhunga Centrally Sponsored Scheme (CSS) kaltlanga hmalakna hrang hrangte a tlawh nghal a ni.

Pr. No. 311/2026 (SCP) Dated Serchhip 30th October, 2026
Issued by District Information and Public Relations Officer; Serchhip District, Serchhip.