Press Release Dated Serchhip, the 28th September:

Serchhip District Election Officer hovin Electoral Roll-a luh dilna chungchangah hearing nei

Dated Serchhip, the 28th September: Vawiin khan Special Intensive Revision (SIR) 2026 Final Electoral Roll atanga hming paih tak ten Roll-a luh leh dilna (appeal) an thlen chungchangah Serchhip District Election Officer (DEO) Pu Paul L. Khuma hovin a pisa-ah Hearing neih a ni.

SIR Final Electoral Roll thar tarchhuah atanga ni 15 chhungin, Electoral Registration Officer (ERO) ten Roll atanga an paihte tan appeal theihna hun hawn a nih chhung khan Serchhip District atangin mi 10 in dilna hi an theh lut a, 26-Serchhip Assembly Constituency atangin mi 5 leh 28-Hrangturzo Assembly Constituency atangin mi 5 an ni.

Vawiin Hearing-ah hian diltute hi DEO chuan a pisa-ah a ko a; Roll-a awm leh thei an ni em tih enfiah a nih hnuin, diltu mi 10-te hi dan anga khua leh tuia chhiar theih an nih loh vangin, an vai hian paih zui an ni ta vek a ni.

Pr. No. 273/2026 (SCP) Dated Serchhip 28th September, 2026
Issued by District Information and Public Relations Officer; Serchhip District, Serchhip.