Press Release Dated Serchhip, the 28th August 2026
Civil Registration System chungchangah Serchhipah District Level Consultative Committee thukhawm
Dated Serchhip, the 28th August 2026: Vawiin khan India khua leh tui, nau piang leh mitthite chhinchhiah dan ‘Civil Registration System’ chungchangah Serchhip DC Meeting hall-ah thutkhawmna (meeting) neih a ni a, Serchhip District bawrhsap Pu Paul L. Khuma’n kaihruaiin Directorate of Economics & Statistics, Aizawl atangin Pi B. Vanrengi, Deputy Director (CRS) bakah Serchhip District Research Officer Pu L. Thangmawia leh thawktu dangte an tel bawk a ni.
Pu K. Zodinpuia, Serchhip District Research Office hnen atangin Serchhip district hmalakna report ngaihthlak a ni a, tarlan danin kum 1985 atang khan piang leh thite hming hi record vek thin a ni a, tun dinhmunah Serchhip district-ah Death & Birth registration tih theihna private hospital tiamin Registration Unit 53 a awm mek a, kumin chhungin naupiang 240 leh mitthi 172 register an ni tawh a, Birth Certificate pek thar leh (re-issue) 1276 awmin Death Certificate 30 re-issue a ni bawk.
Pi B. Vanrengi, Deputy Director (CRS) chuan Serchhip district chu an thawh that thu sawiin district hrang hrang zingah report thehlut tha berte zinga mi an nih thu a sawi. Vawiin meeting-ah hian mumal lehzuala Registration tih theih dan tur te, mipuite tana office dawr awlsam zawk theih dan turte, deaprtment dangte nena thawhhona tha zawk leh chakzawka hma lak a nih theih dan turte sawi ho a ni.
Nau piangte hi ni 21 chhungin a thlawnin register theih an ni a, ni 21 hnulamah chuan pawisa chawi a ngaih tawh a, kum khat a vei hnuah chuan in register tur tan District Magistrate hriatpuina a ngai tawh a ni.
Kum 2025 February thla atangin digital birth certificate pek chhuah tan a ni a, digital certificate hi mahni pianna ngei District Research Office-ah kala buaipui a ngai thin a; sawrkar chuan mipuite tan a awlsam zawk theih nan online-a digital certificate dil theihna turin hma a la mek a ni.
Pr. No. 239/2026 (SCP) Dated Serchhip 28th August, 2026
Issued by District Information and Public Relations Officer; Serchhip District, Serchhip.
