Press Release Dated Serchhip, the 28th April, 2025

Serchhipah District Level Committee on Swachhata Green Leaf Rating neih a ni

Dated Serchhip, the 28th April, 2025: Vawiin khan District Level Committee on Swachhata Green Leaf Rating chu an Chairman Pu Paul L.Khuma, DC kaihhruaiin DC Meeting Hall an thukhawm.
Meeting ah hian Swachhata Green Leaf Verification Sub-Committee ten Serchhip District chhunga mikhual thleng theihna hmun (Hotel/Lodge/IB/etc.) a faina leh thianghlimna an kalpui dan kawng hrang hranga an endikna te an thlir ho a, a thianghlim dan indawtin 5-leaf, 3-leaf, 1-leaf leh No-leaf rating te pek niin, mikhual thlen theihna hmun 25 an endik atang hian 5-leaf rating hmu leh 3-leaf rating hmu pathum (3) ve ve an awm a; 1-leaf rating hmu sawmpariat (18) an awm bawk. Heng thlenna 25 an endik atang hian rating pek tlak loh Hotel pakhat (1) a awm bawk a ni.
Mipuiten awlsam zawka an thlenna hmun tur fai leh thianghlim tha an thlan theih nan mikhual thlen theihna hmun hrang hrangte hi an rating hmuh dan nen website-a en mai mai theih tura siam nise an ti bawk.
He meeting ah hian Er.Isaac Lalchhuanmawia, Member Secretary, Sr.EE,PHED chuan hmalakna report tlangpui a pe a ni.
Meeting ah hian Additional DC Pu Lalrinzuala, SDO (Sadar) Pi Rebecca Laldinmawii Hrahsel, DRDO Project Director Pu Malsawmtluanga Fanchun, DUDO Pu Gaston Vanlalhriatpuia, DLAO Dr. Vanlalchhanhhimi, SDC (P) Dr. Marilyn Lalruatkimi bakah Tourism Officer, District Coordination PHED leh President Sub-Headquarter YMA te an tel a ni.

Pr No. 136/2025 (SCP) Dated Serchhip 28th April, 2025
Issued by District Information and Public Relations Officer; Serchhip District, Serchhip.