Press Release Dated Serchhip, the 25th September

Serchhip District-a SASCI hnuaia hmasawnna hnathawhte thlirho a ni

Dated Serchhip, the 25th September: Vawiin khan Serchhip DC Meeting Hall-ah Addl. DC Pi Dorothy Muansangi hovin Serchhip District chhunga SASCI hnuaia hmansawnna hna thawh mekte thlir ho a ni.

Serchhip khaw chhunga sawrkar quarters (General pool) sak mek Type IV & III Quarters (Design –A) P&E Veng, Treasury department site, Type IV & III Quarters (Design –B), Treasury department site, Type IV & III Quarters (Design –A) P&E Veng, Soil & water Conservation Department site leh Type IV Quarters (3 units) Hospital Complex-a sak mekte chu kumina zawhfel beisei a ni a. Khawtetlang-a Circuit House sak mek chu 2027 kumtir lama zawh hman beisei niin; N. Vanlaiphai-a SDO(C) Office leh quarters sak mek chu zawh fel thawkhat a nih tawh bakah Thenzawla Women’s Hostel sak mek pawh zaa sawmnga (50%) vel sak zawh tawh a ni a, hnathawktute chu chak taka hma la zui zel tura hriattir an ni.

Meetingah hian DC Office-a Superintendent Pu F. Lallawmkima bakah PWD hotute leh contractorte an tel a ni.

Pr. No. 270/2026 (SCP) Dated Serchhip 25th September, 2026
Issued by District Information and Public Relations Officer; Serchhip District, Serchhip.