Press Release Dated Serchhip, the 25th June 2026

SERCHHIP-AH DISTRICT LEVEL NARCO CO-ORDINATION CENTRE (NCORD) MEETING NEIH A NI

Dated Serchhip, the 25th June 2026: Vawiin khan 24th NCORD Meeting DC’s Meeting Hall-ah neih a ni a, Addl. DC Pi Dorothy Muansangi chuan meeting kaihruaiin NCORD meeting hnuhnung ber atanga tun hun thlenga an hmalaknate thlirlet niin report ngaihthlak a ni.

Serchhip Police te chuan NCORD Meeting (25.5.2026) atanga tun thlengin Heroin gram 1129.36 (Rs.2,25,87,800 man hu ) an mana, Excise Department in Heroin gram 0.65 leh Ganja gram 635 an man bawk. Food and Drugs Administration (FDA) te chuan Damdawi dawr hrang hrang 14 an chhui zuina atangin Damdawi zuarte’n an damdawi zawrhna licence-in a phal chin bak damdawi an kawlte, damdawi chi hrang hrang Strips 35 leh vials 26 an man bawk a, heng an thil man hlut zawng hi Rs.10,385 man hu a ni.

Meetingah hian Member Secretary Pu Gavit Gogna, SP Serchhip hnen atangin kum thum chhunga ruihhlo dona atan hmalak dan tur (3 years action plan for fighting of drugs) leh concerned department-te mawhphurhna turte ngaihthlak a ni a, Drus dona kawnga a bika hmalatu tur Special Investigtion Team (SIT) pawh din fel a nih tawh thu leh meeting neiha hmalak zui vat a nih tur thu a sawi bawk.

NCORD Meeting hmasaa lo rel tawh angin BSF/Assam Rifle leh Police ten border area-ah joint patrolling neih vat tum a ni bawk.

Pr. No. 173/2026 (SCP) Dated Serchhip 25th June, 2026
Issued by District Information and Public Relations Officer; Serchhip District, Serchhip.