Press Release Dated Serchhip, the 19th May 2026

SERCHHIP-AH DISTRICT LEVEL AADHAAR MONITORING COMMITTEE THUKHAWM

Dated Serchhip, the 19th May 2026: Vawiin khan District Level Aadhaar Monitoring Committee (DLAMC) chu Serchhip District Bawrhsap Pu Paul L. Khuma kaihhruainain DC Meeting Hall-ah an thukhawm a. Serchhip District chhunga Aadhaar Enrollment chak zawka kalpui a nih theih dan turte an sawi ho a ni.

He thutkhawmah hian UIDAI Regional Office, Guwahati Assistant Manager Pu Chinmoy Kakatia’n Mizoram pumpui Aadhaar enrollment dinhmun tarlangin Mizoram Projected Population 14,16,000 ah 92.4% te’n Aadhaar an neih tawh thu a sawi a. UIDAI hmalakna thar hrang hrangte tarlangin, tun hnaiah mipui tana hman nuam leh awlsam zawk tur Aadhaar Application thar siam a nih thu leh, naupangte’n kum 5 leh kum 15 an tlinin Mandatory Biometric Update (MBU) an tih ngei ngei a ngaih thute a sawi bawk.

Vawiin meeting-ah hian Serchhip District chhunga chak zawka Aadhaar enrolment kalpui dan tur hrang hrangte sawi ho a ni a. District Nodal Officer hmalakna tur te, Aadhaar enrolment khawl leh system-a buaina (technical issues) awm theite chinfel zung zung a nih dan turte leh Operator indaihlohna leh harsatna dang awm theite, rang taka sutkian a nih theih dan turte rel a ni.

District Level Aadhaar Monitoring Committee thutkhawmah hian Serchhip Superintendent of Police Pu Gavit Gogna, IPS bakah sawrkar department hotute – Health, Education, Lead Bank leh Serchhip district chhunga Aadhaar Operator-te an tel a ni.

Pr. No. 125/2026 (SCP) Dated Serchhip 19th May, 2026
Issued by District Information and Public Relations Officer; Serchhip District, Serchhip.