Press Release Dated Serchhip, the 16th June 2026

SERCHHIP DISTRICT ELECTION OFFICER PU PAUL L. KHUMA LEH ELECTION OFFICER PI LALCHHANHIMI TEN BLO-TE HNA THAWH ENPUIIN AN TLAWHCHHUAK

Dated Serchhip, the 16th June 2026: Vawiin khan Serchhip District Election Officer (DEO) Pu Paul L. Khuma leh Election Officer (EO) Pi Lalchhanhimi te chuan New Serchhip II leh New Serchhip IV bial chhunga Booth Level Officer (BLO) te chu an inah tlawhin an hna thawh dante an enpui.

Special Intensive Revision (SIR) 2026 chu Serchhip District chhungah ngawrh taka kalpui mek a ni a. Tun dinhmunah BLO te hian Enumeration Form-te portal-a thunluh (digitize) hna an thawk mek a. Hemi chhung hian an hna thawhnaah, harsatna leh buaina an tawh loh nante leh, a tul anga zirtir leh tanpui an ngaihnaa pui turin DEO leh EO te hian BLO te hi an tlawhchhuak a ni.

Pu Paul L. Khuma chuan BLO-te inpekna leh thahnemngaihna chu fakawm a tih thu sawiin, a tul hun apianga anmahni tanpui tura an awm reng thu a sawi a. Ram tana an inpekna leh thawhrimnaah lawmthu a sawi bawk a ni.

Vawiin June 16, 2026 tlai dar 6 thleng khan Serchhip District-ah Enumeration Form Digitization hi 97.79% zawh a ni tawh a ni.

Pr. No. 164/2026 (SCP) Dated Serchhip 16th June, 2026
Issued by District Information and Public Relations Officer; Serchhip District, Serchhip.