Press Release Dated Serchhip, the 11th November, 2026

Namaste Awards 2026 dawng turin Serchhip District Deputy Commissioner Pu Paul L. Khuma thlan a ni

Dated Serchhip, the 11th November, 2026: Amazing Namaste Foundation buatsaih ‘Namaste Awards 2026’ ah Serchhip District Deputy Commissioner Pu Paul L. Khuma chu ‘Public Service & Governance’ category-ah Northeast India State 8 atanga chawimawina dawng hmasa ber ni turin thlan chhuah a ni.

He Award hi India hmarchhak ram hmasawnna atan leh sustainable development a awm theih nana thawh hlawk tak, kalphung thar leh hna thawh dan dangdai (innovative) hmanga mi dangte tana entawn tlaka thawkte chawimawina tura duan a ni.

He award dawng tur hian North East States 8 atangin nomination call a ni a, State tin ten nominee tur thlangin, Independent Panel hnenah submit a ni a, nomination tam tak zingah mi 6 thlitfim leh niin, ngun taka endikna neih a nih hnuah Pu Paul L. Khuma (MCS), D.C Serchhip chu thlan chhuah a ni ta a ni.

He chawimawina dawng tura thlangtu Panel member-te chu – Chairman, Former DG, BSF leh CRPF, Shri Sujoy Lal Thaosen, IPS (Retd) kaihhruaina hnuaiah – (1) Mrs. Adv Delina Khongdup Raimaw – Former Member of National Commission for Women, (2) Mrs. Rosy Taba Gongo – Member, Arunachal Pradesh State Public Service Commission, (3) Mrs. Tara Doddihal – Marketing Consultant leh (4) Shri Sunil Kumar Basumatary – Former Regional Co-ordinator, NSS North East te an ni.

Lawmman semna hun hi November 14, 2026 ah National Stock Exchange Atrium, Bandra Kurla Complex, Mumbai-ah neih a ni dawn a, Maharashtra Governor Shri Jishnu Dev Varma chu khuallian a ni dawn a ni.

‘Namaste Award’ hi Category 5 ah then niin Pu Paul L. Khuma hian Public Service & Governance’ category-ah chawimawina a dawng dawn a ni.

Pr. No. 323/2026 (SCP) Dated Serchhip 11th November, 2026
Issued by District Information and Public Relations Officer; Serchhip District, Serchhip.