Press Release Dated Serchhip, the 10th July 2026

SERCHHIP DC IN SERCHHIP LEH THENZAWLA SWMC SAK MEKTE A TLAWH| NEIHLOH KHAW THAR SAK MEK A TLAWH BAWK

Dated Serchhip, the 10th July 2026: Nimin khan Serchhip Bawrhsap Pu Paul L. Khuma chuan Serchhip leh Thenzawla Solid Waste Management Centre sak laite a hmunah kalin a enfiah.

Bawrhsap Pu Paul L. Khuma chuan hna thawktute kawmin, chak taka hna thawh a nih theih dan turte sawi ho a ni a; he hna hi mipui that tlanna tur, thil pawimawh public interest-a nih hre renga thahnemngai taka thawk tura chahin, bawlhhlawh sawngbawlna SWMC mumal taka a function thuai theih nan, hun tiam chhunga thawk zo thei turin a chah a ni.

Bawrhsap hi District Urban Development Officer Pu Gaston Vanlalhriatpuia, Pu K. Lalhlimpuia, SDO (C), Thenzawl, Pu C. Vanthangpuia, SDC, Green Herd SP leh Village Council hruaitu ten an tawiawm a ni.

Nimin vek khan Bawrhsap hian Neihloh khaw thar sak mek tlawh nghalin, Village Planning Committee te nen an inhmukhawm a. Hnathawh dante en ho niin, harsatna awm thei chinfel dan turte rel ho a ni a. Bawrhsap chuan Neihloh khúa chu model village mawi tak ni tura, ruahman (plan) a nih dan ang taka a chhuah theih nan, tan hona a pawimawh takzet thu a sawi a ni.

Pr. No. 182/2026 (SCP) Dated Serchhip 10th July, 2026
Issued by District Information and Public Relations Officer; Serchhip District, Serchhip.