Press Release (Dated 5th September, 2024)

Zirtirtu Pali hnenah Serchhip District Special Teacher’s Award hlan a ni

Dated Serchhip, the 5th September, 2024: Serchhip DC kaihhruai District Level Committee for Celebration of Teachers’ Day 2024 in a lo rel tawh angin Serchhip District chhunga zirtirtu tha pali thlanchhuah te hnenah vawiin khan chawimawina Serchhip District Special Teacher’s Award hlan a ni.

Award hlanna inkhawm hi Serchhip District Education Office ah neih a ni a. Award hi chi 4 – Primary School, Middle School, High School leh Higher Secondary School level ah then sawm niin award dawng turin mi pakhat zel thlan chhuah an ni.

Award dawngtute chu:-

1. Primary School – Pi K Lalthazuali, Headmaster,
Govt. Chhingchhip P/S-I.
2. Middle School – Pu C Zohmingliana, Headmaster,
Govt. Gospel Centenary M/S, Chhipphir.
3. High School – Pu Remkunga, Headmaster,
Hrangturzo H/S, N Vanlaiphai.
4. Higher Secondary School – Pu RK Sanghmingliana, Lecturer, Govt. Higher Secondary School, Serchhip.

Heng zirtirtu tha thlan chhuahte hi chawimawina Certificate leh Rs. 2000/- hlan an ni a. Cash Prize hi DC, Serchhip-in a tum a, Certificate leh tul dangte hi DEO/DPC, Serchhip-in a tum ve thung a ni.

Certificate leh Cash Prize hi Pu Lawmawma, DEO-in Pu RK Sanghmingliana, Lecturer, Govt. Higher Secondary School, Serchhip leh Pu Remkunga, Headmaster, Hrangturzo High School, N Vanlaiphai te a hlan a. Pi Melody L Betlu, SDEO, Thenzawl-in Pu C. Zohmingliana, Headmaster, Govt. Gospel Centenary M/S, Chhipphir hi a hlan a.Pu John Lalbiakliana Pachuau, SDEO, Serchhip-in Pi K Lalthazuali, Headmaster, Govt. Chhingchhip P/S-I hi a hlan ve thung a ni.

District Level Committee for Celebration of Teachers’ Day 2024 chuan Teachers’ Day pualin Serchhip District chhunga zirtirtu hna thawk thate chu chawimawi ngei ni se, tiin a lo rel tawh a. Hemi bawhzui hian chawimawina hlan turte thlang chhuaktu tur Committee a din a, chu Committee chuan heng Award dawng tur zirtirtu hna thawk thate hi a thlang chhuak a. Teachers’ Day pualin award te hi sem a lo ni ta a ni

Serchhip District chhungah hian Teachers’ Day hi School zawng zawngin anmahni School theuhah an remchan dan angin urhsun takin an hmang a. School Education Minister thuchah School tinah chhiar chhuah vek niin Serchhip DC Pu Paul L Khuma chuan Local Cable TV kaltlangin Teachers’ Day puala thuchah a sawi bawk a ni.

Pr No. 179/2024 (SCP) Dated Serchhip 5th September, 2024
Issued by District Information and Public Relations Officer; Serchhip District, Serchhip.