Press Release (Dated 29th August, 2024)

Serchhipah District Level Implementing Committee on Mission Shakti neih a ni

Dated Serchhip, the 29th August, 2024: Vawiin khan District Hub for Empowerment of Women, Women & Child Development Department Serchhip District hmalaknain District Level Implementing Committee on Mission Shakti chu an chairman Pu Paul L. Khuma, Deputy Commissioner hoin DC Meeting Room-ah neih a ni.

Pu James Lalremliana, District Coordinator, Poshan Abhiyaan leh District Programme Officer mawhphurhna la mektu chuan kalkhawmte lawmna thu sawiin, an hnathawh kalphungte a sawi a; meeting neih a nih chhante a sawifiah bawk a ni.

Pu Lalvensanga, District Mission Coordinator, Mission Shakti chuan Mission Shakti hnuaia an hmalakna hrang hrangte a sawi a- SAMBAL (Safety and Security) hnuaiah Serchhip District ah hmeichhe naupangin zirna tha an neih a, enkawlna tha an dawn theih nana hmalakna BBBP (Beti Bachao Beti Padhao) te, hleilenna tuar hmeichhe tlukluhna tur One Stop Centre te leh Women Helpline (181) chu a mamawh apiangte tana biak theih a nih reng thu a sawi a. SAMARTHYA (Empowerment) hnuaiah PMMVY kalpui niin 2024-2025 chhung hian mi 113 hnenah tanpuina pek an nih thu a sawi a. Hmeichhe baihvai, harsatna tawk, tlukluhna leh belh tur mumal nei lote, hleilenna tuar leh belh tur mumal neilo ten an pan tur Shakti Sadan an neih thu leh National Creche Scheme (Palna) kalpuii niin, Serchhip Block ah 9 leh E. Lungdar Block ah 6 a awm thu a sawi bawk. Sawrkar department hrang hrangte nen tangkawpin hnathawh thin a ni, a ti a. Zirlaiten kawng hrang hranga hma an sawn theih nan hma an la a, a bik takin Govt. High School Serchhip chu hmalakna atan an hman thu a sawi bawk.

District Hub for Empowerment of Women (DHEW) ten District Action plan an lo duan sa chu meetingah hian en ho niin, chak zawka hma lak a nih theih nan line department te nen lungrual tak a thawkho tura ruahmanna siam a ni.

Meetingah hian Addl. DC Pu Lalrinzuala leh department hrang hrangte hotute bakah Women & Child Development Department Serchhip District a thawktute Pi V. Lalruatsangi, Specialist in Financial Literacy Mission Shakti, Pi VL Remruatpuii, Gender Specialist, Mission Shakti, Pi Sarah Lalbiakliani, Gender Specialist, Mission Shakti & Protection Officer (Protection of Women from Domestic Violence Act) an tel a ni.

Pr No. 174/2024 (SCP) Dated Serchhip 29th August, 2024
Issued by District Information and Public Relations Officer; Serchhip District, Serchhip.