Press Release (Dated 1st August, 2024)

DC Pu Paul L.Khuma hovin Best Online Initiatives Award dawn lawmna hun hmang

Dated Serchhip, the 1st August, 2024: Vawiin khan Serchhip DC Office chuan tun hnaia Best Online Initiatives Award 2024 an dawn lawmna hun chu DC Conference Hall ah an hmang.

July ni 23, 2024 khan Information Communication Technology Department buatsaihin IT hmang tangkai Department leh Office te hnenah Chief Minister Pu Lalduhoma chuan Government Online Excellence Awards, 2024 a sem a. Award category hrang hrang zingah Serchhip District chuan DC Online kaltlanga mipui rawngbawlna hna an thawhthat avangin Best Online Initiatives Award 2024 an dawng a, Serchhip DC Pu Paul L.Khuma chuan Serchhip District aiawhin he lawmman hi a dawng a ni.

DC Pu Paul L.Khuma chuan Award an dawn avanga lawmthu sawiin thawktute inpekna vang a ni, a ti a. Mahni hna chanpual theuh thahnemngai taka thawk zel turin a fuih a ni. DC chuan August 1, 2024 atangin Serchhip DC office ah Digital File Tracking System hman tan nghal a nih tur thu he hunah hian a puang a. Office chhunga file chevel a ran zawkna tur te, chhui a awlsam zawk na tur leh file te mumal taka vawn a nih theih nan DFTS hman a nih tur thu a sawi a ni.

DC office chhunga staff zawng zawng te he hunah hian an tel a. Infuihtharna hun hman nghal a ni.

Pr No. 143/2024 (SCP) Dated Serchhip 1st August, 2024
Issued by District Information and Public Relations Officer; Serchhip District, Serchhip.