Serchhip khua hi Mizoram lai li a awm Mizoram khawpui Aizawl atanga km 120 vela hla a ni a. Tuipui zawl (sea level) atanga tehin 1281 meters a sang ah a awm a, North latitude-a degree 23°35’58’82” leh 23°00’20’84” inkarah leh East longitude-a 92°41’06’00” and 92°40’39’63” degrees inkara awm a ni.
Route – Aizawl to Serchhip
Serchhip khua hi state highway leh National Highway ten an a chhun tlang a, leh Mizoram chhunga khaw hrang hrang leh hmun pawimawh tak tak nen pawh in kal pawh awlsam tak a ni.
Thlawhna Hmangin
He khua atanga Thlawhna tum hmun (Airport) hnai ber chu Lengpui Airport (Aizawl) a ni a, km 142 vel a hla a ni. Mizoram a airport awm chhun hian India khawpui pawimawh tak tak nen in zawmin, haw lam a hman theih turin Airport ah hian car leh bus an awm reng bawk a ni.
Lirthei Hmangin
State khawpui Aizawl atangin darker 3-5 vel chhungin Serchhip hi thlen theih a ni a. Hun hman rei zawng hi kawng thlan dan a zirin a danglam hret thei ang.
NH-54 Lamah
Mi tam berin National Highway 54 hi Serchhip kal na atan an hman a ni a, Aizawl hmar lam atang a chhuakin thingtlang khaw tam tak pal tlangin, thing leh mau dailhlim nuam tak tak karah thlen theih a ni.
Thenzawl Lamah
Serchhip khua hi Aizawl – Thenzawl road hmangin kal theih bawk a. Aizawl chhim lam atanga chhuakin kawng inthlep kual tak tak karah Hmuifang Tlang, feet 5312 zet a sang, thengthaw nuam leh phai tual hnim hring dup te a pal tlang a. He lai hmun leh a kiang a ngaw dur khup mai chu mite tlawh chak a tling a, Mizoram sawrkar pawhin Tourist resort a siam hial a ni. He kawng hi khawthlang tlangdung zawh a nih avangin khaw thlir a nuam em em bawk a ni.