Menu Toggle
Belhchhahna
Close

Employment Exchange Registration

Labour, Employment, Skill Development & Entrepreneurship Department tun hmaa Labour, Employment & Industrial Training Department tiha kan hriat thin kha employment exchange registration chungchanga mawhphurtu a ni. 

Aizawl, Lunglei, Siaha leh Champhai district-ah te District Employment Exchange office a awm mek a ni.

Employment exchange-a in register turte tana hriattur pawimawh.

  1. Serchhip district hi Aizawl district employment exchange office thuneihna leh inenkawlna hnuaia awm anih avangin Serchhip district atanga labour & employment kaihhnawiha registration ti turte chuan Aizawl pan a ngai a ni.
  2. Common Service Centre (CSC) khaw hrang hranga awm ten online in an register sak thei bawk a ni.
  3. Mahni ngei kal tur a ni a, midang registration tihsak theih a ni lo.
  4. Class V chin hnuai lam tan certificate ken a ngai lo.
  5. Class VI-IX tan School Certificate (Original) pian kum lanna ken tur.
  6. Class X chin chunglam tan HSLC Certificate Original pian kum lanna leh aia sang thiamna neiten Certificate leh Marksheet ken tur.
  7. Certificate-a Overwriting (ziah nawn) awm reng reng pawm a ni lo.
  8. Address kimchang tak ziah lan tur a ni a, mahni House No. leh Phone No. ziah lan bawk tur a ni.
  9. Registration Card tihbo chuan Duplicate Rs.10/- chawiin an lo chhuak leh thei ang.
  10. Sawrkar hnathawk, in register tur tan N.O.C (No Objection Certificate) lak a ngai.
  11. Registration hi kum 3 hnu ah renew zel tur a ni a.
  12. Registration renew hi dak emaw midang kaltlang pawhin intihsak theih a ni.
  13. Registration a thih hman chuan renew phalsak an ni tawh lova. A thara registration tih tur a ni.
  14. Registration titawh, a aia thiamna sang zawk register duh tan a thara tih a ngai lova, Registration Card leh Original Certificate kenga tihfel theih a ni

 

Tlawh: https://lesde.mizoram.gov.in

Labour Employment, Skill Development and Entrepreneurship

Upper Republic, Near Seventh Day Adventist Church, Aizawl, Mizoram.
A Hmun : Labour Employment, Skill Development and Entrepreneurship Office | Khua : Aizawl | PIN Code : 796001
Phone : 03892311734 | Mobile : 9436361225 | Email : ledmizoram[at]rediffmail[dot]com