Serchhip DC in Scouts and Guides Special Programme a hmanpui

Tarchhuah NI : 27/09/2024

Serchhip DC in Scouts and Guides Special Programme a hmanpui

Dated Serchhip, the 27th September, 2024: Vawiin khan Serchhip District Bharat Scouts and Guides President Pu Paul L.Khuma, Serchhip Bawrhsap hoin CMS Picnic Spot ah Chawngbuangi Memorial School buatsaih Scouts and Guides Special Programme neih a ni.

Pu Paul L.Khuma chuan Scouts and Guides Movement chu a din tirh atanga vawiin thlengin ram leh khawtlang tana mi puitling chherchhuaktu a ni a, he movement hi khawvela NGO hrang hrang zingah a lian ber leh darh zau ber te zinga mi a ni a, chutiang pawl ropuia an tel thei chu an vanneihzia inhre turin Scouts and Guides te a chah. Scouts and Guides motto chu ‘Inring renga awm’ (Be prepared) tih a nih angin eng pawh hmachhawn thei turin taksa, rilru leh thlaraua kan inbuatsaih reng a ngai a ni, khuallian chuan a ti a. Scouts and Guides chuan mahni mihringpui te rawngbawlsak te, mi dangte thiana siam te, tan pui ngai te tan pui te, mi dik leh rinawm ni tur te in naupangte a buatsaih a; vawiina scouts and guides ni mek te chu an puitlin thlenga an pawl thil tum leh inkaihhruaina te vawng a, nunpui a, khawtlang leh ram tana malsawmna nih tum theuh turin a fuih a ni.

CMS School Scouts and Guides te hian September ni 26 atang khan riaklutin camp an nei a, thil pawimawh hrang hrang te an zirho bakah intihhlimna hun te an hmang a ni.

Vawiin programme ah hian Serchhip District Bharat Scouts and Guides Secretary Pu CVL Hruaia pawhin thu a sawi a. District Deputy Commissioner Pi Lalnunmawii pawhin he hun hi a hmanpui a ni.