Hmun pawimawh

Vantawng Khawhthla

Vantawng

Thlalak: Vantawng Khawhthla

Mizoram a tui khawhthla sang ber Vantawng Khawhthla hi Serchhip District chhung Thenzawl  leh Buangpui inkar  Aizawl – Lunglei kawngpui  atanga hnaite a awm a ni. Kawngpui atang hian a hmun thleng lirthei a kal theih a ni. Zin veivak te tan a chawlhna tur leh tuikhawhthla thlirna tur  hmun Tourism department ten an siam bawk a ni. A lui (Vanva Lui) thleng duh tan ke a panna kawng a awm tho a, a hmun ah hian lungpher lian tak tak leh lungsum hmuh tur te a awm a.Fur tui tam lai te phei chuan tui khawhthla hi a tam tham in a hmuhnawm em em a ni.

Chhuanthar Tlangnuam Village (Baktawng Tlangnuam)

Baktawng Village

Thlalak: Baktawng Village

Mizoram lai li a awm chhungkaw 450 bawr vel awmna, NH-54 in a tan tlang Aizawl atanga km-65 vel a hla, Khawvel pum huap a Chhungkaw lian ber awmna – Chhuanthar Tlangnuam (tun hma a Baktawng Tlangnuam ni thin) hi ram chhung leh foreign atangin tlawhtu an awm deuh reng a. Tlawhtute zingah mimal, media leh sorkar aiawhte pawh an awm thin. Central sawrkar pawhin ngai pawimawhin khua tih hmasawnna tur ngaihtuahin Water & Sanitation Department aiawh te a lo tir tawh thin bawk.

He khua in Khawvel hriat a hlawhna chhan ber chu Pu. Zion-a te chhungkua – khawvel a chhungkaw lian ber, member 170 bawr vel zet In khata cheng ni si an nihna hi a ni.

Zion Family

Thlalak: Zion Family

Pu Zion-a hian chhungkaw eizawnna atan carpentry, farming leh ran vulh te a ti nasa hle a. Bawng leh Vawk a vulh tel bawk. Chhungkua atangin mahni chanvo theuh insemin a then farm a feh te, ran vulhna lamah Bawng chaw lak leh Vawk chaw chhum thlengin mahni hna theuh hneh takin an thawk thin.

Tin, Chhuanthar Tlangnuam khua a chhungkaw tam berte chu carpentry a eizawng an ni a, chhungkaw tlem a zawng Pottery (alminium) hmanga eizawng an awm bawk.

Anmahni kut kawih ngeiin Football ground nuam tak leh Tennis court leh Volleyball court nuam tak an siam a, a sir velah en nawm atan samak lim, sakei leh sazuk limte hmuh tur a awm bawk.

Khua leh kawngpuite chu veng chhung mipuite sum thawh khawm atang a alkatra-bitumen lei hmangin blacktop vek a ni a. Hnatlangin a tul hun a piangah a chhe lai deuh a ngaih chu chei that reng a ni. Zing tinin napangin khawlai an phiat fai thin a, carpentry a eizawng te tan thingzai leh hnawk reng reng zan riaka kawng tihnawk a dah phal a ni ngai lo. Faina kawngah theih tawp an chhuah thin na avangin Chhuanthar Tlangnuam hian kum 2007 khan India ram a thingtlang khaw fai ber thlanna neih hmasak berah lawman “Nirmal Gram Puruskar Award” chu a lo dawng tawh bawk a ni.

Thenzawl Deer Park

Sazuk rual

Thlalak: Thenzawl Deer Park

Environment & Forest Dept. Thenzawl Division te chuan kum 1994 atang khan Thenzawl khaw dai ah sazuk chikhat (Sambar Deer) te khawina/enkawlna hmun an siam a. Mizoram State chhung a Deer Park awm chhun a ni nghe nghe. Sazuk te hi ramsa vang tawh tak ni in an mang mai loh nan a humhalh ngai zing ami an ni. Thenzawl Deer park hi Central Zoo Authority lam chuan Wildlife( Protection) Act 1972 Sec. 38H tlawhchhanin Mini Category Zoo huang ah a dah a ni.

Pony Riding

Pony Riding

Thlalak: Pony Riding

AH & Vety farm, Thenzawl ah Sakawr te chi chungchuanna (Pony Riding Entertainment) hmun hawn a ni a. A bul mai a Dil ah hian a duh tan lawng chuanna tur dah tel bawk a ni. He lai hmun hhi khualzinte leh a duh apiangte tana intihhlimnna tha tak a ni.