Handicraft

Handloom – Thenzawl

Worker

          Thlalak: Handloom Worker

Thenzawl khua hi Mizoram chhunga khaw mal khaiah chuan Puantah dek chhuak hnem leh hralh hnem ber an ni awm e. Hemi avang hian “Puantah Khua” tia hriat lar a ni nghe nghe. Mizoram mai ni lo state dang bakah foreign lamah te pawh an puan tah hi an hralh nasa hle a ni.

Industries department lamin Handloom Complex te dinin puantah lamah tan an la nasa em em a. Chhungkaw tin deuh thaw hian puantah khawl an nei ti ila kan sawi sual awm love. Chhungkaw eizawnna bulpui ber atana hmang an tam hle a, Handloom Society pawh a ding nual nghe nghe a ni.

Tun dinhmunah chuan Puantah khawl 2000 bawr vel awm tur a ngaih a ni.

Thenzawl Handloom Survey Report – 2017

  1. Unit zat chhinchhiah – NA
  2. Puantah Khawl Awm Zat- 2003
  3. Puantah Khawl Hmanlai Mek – 1758
  4. Puantah Khawl Hman Loh – 245
  5. Puantah Hnathawk – 1847
  6. Puanthah siamchhuah zat (July-Dec, 2017) – 11352
  7. Puantah hlutzawng (Hralhchhuah chauh ni lo) – Rs. 10,80,33,600.00
  8. La Hman Zat (Khawhral, riral tel lovin) – 32108.4 kgs
  9. Puantah siamchhuah zawng zawng seizawng – 107028 metres
  10. La Man Rs. 450/kg (as per local rate) – Rs. 1,44,48,780.00
  11. Hlawkna tel zat – Rs. 1,62,05,040.00
  12. Puantah khawl leh puantahtute – kum 5 chhung dinhmun

    Kum      Khawl    Thawktu    Zirna Nei

    2010          481             473              NA

    2011          524            530               42

    2012          962            1205              24

    2013          998            1276              45

    2014          1543           597               NA

Carpentry – Chhuanthar Tlangnuam

Furniture

                    Thlalak: Three Sitters

Chhuanthar Tlangnuam (Baktawng Tlangnuam ni thin) hi carpentry a eizawng khua an ni kan ti thei awm e. Chhungkaw tam ber 70% vel chu carpentry a eizawng an ni a, workshop atan mahni In hnuai siamin Thingzai phelna khawl – Circular Saw leh khawl tul dangte an dah mai thin a, In-hnuai siam tur neilote zingah chhungkhat lainate nen a intawm pawh an awm bawk.

Chair

              Thlalak: Furnished Chair

Thingzai (Raw material) hi teak thing a tam deuh ber a, zuang, char leh a dangte chu khaw dang atangin a lut deuh reng a. Nitin in an thil siamchhuahte hi Aizawl-ah a tam ber chu thawn thin niin khaw hrang hrangah pawh thawn darh thin a ni. Silchar leh Manipur lam thleng pawhin Kawngkhar leh Thutthleng siam te chu thawn chhuah a ni bawk.

Pottery – Chhuanthar Tlangnuam

Utensils

     Thlalak: Bungbel

Chhungkaw engemawzatin aluminium hmang a bungbel chhun (Pottery) lam eizawnna atan an hmang thung. An ni erawh hi chuan Mizoram state pawn thlengin an Bel chhun te hi an thawn chhuak thin a. Ei rawngbawlna bungbel litre 3 atanga litre 120 thleng chhung thei a, rawtthleng, kan bel (frying pan), fianpuite an chhung ber a.