Chhuahvahna

Paragliding

Tandem flight

        Thlalak: Paragliding at Serchhip

Serchhip leh Keitum inkar NH-54 hrul Chuanhnuai-ah hian Paragliding tihna atan a hmun tha tak a awm a. Kum 2012 vel atang khan Paragliding lampang tuimi ten bul rawn tanin Paragliding Festival hial te huaihawt a lo ni tawh a, State pawn atang pawhin Paraglider thahnem tak an rawn tel nghe nghe a ni.

Kum tinin helai hmunah Paragliding lam tuimi te an rawn kal thin a ni. Helai hmun hi India rama Paragliding tihna atana hmun tha pawl a sawi niin, Mizoram ah hetiang tihna hmun kan neih chhun a ni.

Chuanhnuai atanga thlawk chhuakin Zawlpui Leilet hmunah an tum thin a ni.

Ngentiang Puk (Lutpui)

lutpui

            Thlalak: Lutpui Puk

Ngentiang ramah tho hian puk a awm thluah mai a, chung zingah chuan MZP Puk leh Lutpui Puk te hi a lar zual an ni a. MZP Puk hi Feet 725 a thuk a ni a.

Lutpui Puk hi Mizoram a puk thuk ber a ni a, kum 2014 khan ALMA YAC Lunglei ten a vawikhatna atan an luhchhuak a. A hnu lamah pawh Adventure club thenkhatin an luhchhuah leh tawh a ni. An tehna hnuhnung berah chuan Lutpui Puk hi Feet 2225 lai a thuk a ni a. Hriat theih chinah Mizoram a puk thuk ber a ni.

Khuai Kham

Khuai Kham

                  Thlalak: Khuai Kham

Serchhip atang hlalo te ah hian kham nalh tak a awm a, kham khuai in bu tam tak an neih thin avangin “Khuai Kham” tih a lo ni ta a ni.

Tun hma chuan khuai lak ni te siamin, a khaw nawtin an thawk chhuak thin. He kham san zawng hi feet 500 vel a ni.

Tunhnai ah chuan Adventure club ten Rappelling nan a hmang thin a ni.