Press Release Dated Serchhip, the 18th September

NMBA Camp chhuakte chhawmdawlna tur Skill Development chungchang sawi ho a ni

Dated Serchhip, the 18th September: Vawiin khan Serchhip District Deputy Commissioner Pu Paul L. Khuma hovin February thlaa Serchhipa NMBA Camping buatsaih tak atanga ruihhlo bansan tate chhawmdawlna (nurturing) tur atan, thiam thil inzirtirna (skill development) chungchang sawi hona neih a ni a, he hunah hian khawtlang hruaitu, VC te leh YMA branch tina hruaitute an tel a ni.

Ruahman dan chuan LESDE department te nena tangkawpin kar hnih awh skill training, heng trade hrang hrang- Floor tile phah dante, Electrical wiring-te, Plumbing leh Hnang tah dante hi Pilot Project angin NMBA camping atanga ruihhloa fihlim tate pualin buatsaih tum a ni a; a tul angin camp chhuak ni kher lo, ruihhloa harsatna neite tan pawh batch hrana skill training hi la neih chhoh zel tum a ni. October 2026 (tentative) chhung vela training hi neih theih beisei a ni.

Hemi atan hian khawtlag hruaitu-VC te leh YMA te chu an bial chhung theuh ami te zawng chhuak tur leh chiang zawka lo indap tha leh tura ngen leh beisei an ni.

Deputy Commissioner chuan ruihhlo do kawnga khawtlang tanrualna leh tawhhonaah lawmthu sawiin, beisei aimaha tam ruihhlo sim hlen an awm chu lawmawm a tih thu a sawi a, thawh hona tha tak neihpui zel turin khawtlang hruaitu kalkhawmte chu a sawm a ni.

Pr. No. 266/2026 (SCP) Dated Serchhip 18th September, 2026
Issued by District Information and Public Relations Officer; Serchhip District, Serchhip.