Press Release Dated Serchhip, the 10th September 2026

Barak Lui humhalh leh siam that chungchang meeting Serchhip-ah neih a ni

Dated Serchhip, the 10th September 2026: Vawiin khan DC Meeting Hall, Serchhip-ah “Conservation & Restoration of Catchment Areas of Barak River in the States of Assam, Manipur, Mizoram and Nagaland” tih project chungchangah meeting neih a ni. He meeting hi Serchhip District Additional Deputy Commissioner Pi Dorothy Muansangi’n a kaihruai a. Meeting-ah hian Barak lui fintu leh a pengte humhalh leh siam that dan tur sawiho a ni.

Pu Kailianlal Vaiphei, Senior Manager, North Eastern Region Community Resource Management Society (NERCORMS) chuan PowerPoint presentation hmangin project chungchang a sawifiah a. He project hi Government of India leh KfW, Germany tangkawp fund hmanga hmalakna tur a ni a, Implementing Agency hi North Eastern Council (NEC) niin Executing Agency chu NERCORMS an ni a. Mizoram-ah District 8 – Aizawl, Champhai, Mamit, Lunglei, Serchhip, Kolasib, Saitual leh Khawzawl-ah te kalpui tura ruahman a ni.

Ram leilung hman dan dik lo leh tuihna enkawl dan that tawk loh avang te, lui enkawlna kawnga thawh hona tha tawk lo avangtein Barak Lui leh a pengte hian harsatna a tawk nasa hle a. Heng avang hian tuilian, leimin leh harsatna dang a pun phah nasa hle. He project kaltlang hian ramngaw, nungchate leh tuihna humhalh bakah kuthnathawktute eizawnna siam that tum a ni bawk.

Vawiin meeting-ah hian line department hrang hrang official-te chu project atana data pawimawhte khawn khawm a, thehlut tura ngen an ni a. October 12 – 16, 2026 chhung hian NERCORMS official-te hi field inspection nei turin Mizoram-ah an lo kal leh dawn a ni.

Pr. No. 257/2026 (SCP) Dated Serchhip 10th September, 2026
Issued by District Information and Public Relations Officer; Serchhip District, Serchhip.