Press Release Dated Serchhip, the 10th September 2026

Serchhip DC hovin Serchhipa Nursing School chungchang rel a ni. Luah a nih thuai theih nan chak taka hmalak zui a ni dawn

Dated Serchhip, the 10th September 2026: Vawiin khan Serchhip District Deputy Commissioner Pu Paul L. Khuma hovin Serchhip Chanmari venga General Nursing & Midwifery (GNM) School chungchangah thutkhawm niin, chak taka hma lak zui dan turte rel a ni.

Additional Deputy Commissioner Pi Dorothy Muansangi hnen atangin, tun hnaia helai hmuna harsatna awmte chinfel a nih theih nana, District Administration hmalakna leh inspection neih dan report te ngaithlak a ni a; sawi hona neih niin ram neitute beisei la tih hlawhtlin rih lohte pawh tihhlawhtlin chhoh zel dan turte rel a ni a; lungrual takin ruahmanna hrang hrangte siam niin, luah a nih thuai theih nan chak taka hmalak zel a ni dawn a ni.

Vawiin meeting-ah hian hian ram neitute, Revenue Department, Health Department, Police hotute leh khawtlang hruaitute bakah Directorate of Nursing, Aizawl atangin Joint Director Pi Lalchhanhimi leh Assistant Director te an lo tel a ni.

Pr. No. 256/2026 (SCP) Dated Serchhip 10th September, 2026
Issued by District Information and Public Relations Officer; Serchhip District, Serchhip.