Press Release Dated Serchhip, the 1st September 2026

NATIONAL MISSION ON NATURAL FARMING (NMNF) HNUAIA DISTRICT LEVEL MONITORING COMMITTEE MEETING NEIH A NI

Dated Serchhip, the 1st September 2026: Vawiin khan Serchhip DC’s Meeting Hall-ah Deputy Commissioner Pu Paul L. Khuma kaihhruaiin National Mission on Natural Farming (NMNF) hnuaia District Level Monitoring Committee (DLMC) meeting neih a ni.

Pu K. Laltlanmawia DAO/Member Secretary DLMC hnen atangin Natural Farming kalphungte ngaihthlak a ni a; Pi Lalchhuansangi Project Director ATMA hnen atangin Serchhip District-a Natural Farming kalpui a nih tawh dante leh hmalak chhunzawm a nih dan turte ngaihthlak a ni bawk. Meeting -ah hian kum 2026-2027 atana sum ruahmante pawm nghal a ni bawk.

Meeting-a kalkhawm te hnen atangin Natural Farming hlawhtlinna atana ruahmanna leh thurawn hrang hrangte ngaihthlak a ni bawk.

Natural Farming hnuaiah hian nikum 2025-26 khan Cluster 10-ah loneitu 1250 te hmalakpui an ni a. 2026-27 ah Cluster 21-ah loneitu 2625 te hmalakpui leh tura ruahman a ni.

Tun dinhmun-ah Bio-input Resource Center (BRC) 6 awm mekin, 2026-27 atan BRC 7 neih belh tura ruahman a ni bawk.

Pr. No. 246/2026 (SCP) Dated Serchhip 1st September, 2026
Issued by District Information and Public Relations Officer; Serchhip District, Serchhip.