Press Release Dated Serchhip, 28th July 2026

SERCHHIP-AH DISTRICT LEVEL RED RIBBON QUIZ COMPETITION NEIH A NI

Dated Serchhip, 28th July 2026: Vawiin khan District AIDS Prevention & Control Committee leh Mizoram State AIDS Control Society hmalakna in District Level Red Ribbon Quiz Competition neih a ni a, Serchhip DC Pu Paul L. Khuma chuan khuallian niin a hmanpui.

Bawrhsap chuan vawiina intihsiakna hian AIDS chungchanga hriatna a pek belhte chu tangkai taka an hman ngei a duh thu sawiin, hriatna hi kan hman si loh chuan finna a tel thin lo a ni, a ti bawk. Zirlaiten an theihna hrechiangin, hun tha an neihte tha taka hmang turin a chah a ni.

Dr. Lallawmkimi Chhakchhuak, District AIDS Control Officer chuan Quiz intihsiakna buatsaih a nih dante a sawi a. Intihsiaknaah tawp mai lova, HIV chungchanga mipuiin hriatna zau zawk an lo dawn theih nan midang zirtirtu ni theuh turin zirlai naupangte chu a chah a ni.

Intihsiakna hi School levelah neih tawh niin, a titha ten vawiinah hian District huapin intihsiakna hi an neih chhunzawm a, School 10 atangin zirlai 2 theuhin intihsiakna hi an bei a, hetiang hi result a ni:
1-na : Govt. JM High School, Serchhip
2-na : Govt. Khawlailung High School
3-na : Govt PCR High School, Serchhip
Consolation prize- Govt. High School, Serchhip te an ni.

He inelnaa pakhatna hian State Level Red Ribbon Quiz Competition August thlaa Aizawla neih turah Serchhip District aiawhin an tel dawn a ni.

He hun hi Pu C. Lalhmingmuana’n a kaihruai a. Pu JR Lalhruaitluanga, District Education Officer bakah school hrang hranga zirtirtute leh zirlaite an tel a ni

Pr. No. 193/2026 (SCP) Dated Serchhip 28th July, 2026
Issued by District Information and Public Relations Officer; Serchhip District, Serchhip.