Press Release Dated Serchhip, the 7th July 2026

SERCHHIP-AH DISTRICT CO-OPERATIVE DEVELOPMENT COMMITTEE THUKHAWM

Dated Serchhip, the 7th July 2026: Vawiin khan Serchhip District Cooperative Development Committee (DCDC) meeting vawi 7-na chu Serchhip District Bawrhsap Pu Paul L Khuma hovin DC Meeting Hall-ah neih a ni.

District Cooperative Officer Pu C. Vanlalhruaia chuan Ministry of Co-operation-in an kum 5 tlin lawm dan tur an rawn duan thu sawiin, a lawmna ‘Celebration Week’ hi June ni 29 – July 6, 2026 chhunga neih a nih thu a sawi a. Thil chi thum tih tura duante – Co-operation Pledge lak, Gram Sabha- a PACS awareness campaign neih leh thingphun te hlawhtling taka tih a nih thu a sawi a. Ministry of Co-operation din champhaphak vawi 5-na puala District Co-operative Office, Serchhip-in hun an hman dante thlira, ngaihthlak ho a ni bawk.

Serchhip District chhunga Multipurpose Primary Agricultural Credit Society (MPACS) te hmasawnna turte sawi ho niin, District Co-operative Development Committee member-te inkara thawh hona tha a awm theih dan tur leh chak zawka hma lak a nih theih dan tur hrang hrangte sawi ho a ni bawk.

Pr. No. 179/2026 (SCP) Dated Serchhip 7th July, 2026
Issued by District Information and Public Relations Officer; Serchhip District, Serchhip.