Press Release Dated Serchhip, the 17th June 2026

SERCHHIP DISTRICT-AH ENUMERATION FORM DIGITIZATION ZAWH FEL A NI

Dated Serchhip, the 17th June 2026: Special Intensive Revision (SIR) 2026 kalpui mekah Serchhip District chhunga Enumeration Form Digitization hna thawh chu June 17, 2026 zan hian tluang taka zawh fel a ni.

Serchhip District ah hian Assembly Constituency pathum — 26-Serchhip (ST), 27-Tuikum (ST) leh 28-Hrangturzo (ST) te awmin Electors 55,389 an awm a, heng zingah hian Uncollectable – mitthi tawh (deceased) te, chhuizui theih tawh loh (untraceable/absent) te, hmun danga pem hlen tawh (permanently shifted) te, hming chuang nawn (duplicate) leh Enumeration Form-a inziaklut duh lo (refused to sign EF) te, mi 1184 an awm a ni.

May 30, 2026 atang khan BLO te chuan in tinah kalin, a sur asa hnuaiah Enumeration Form sem hna an thawk tan a, Form lakkhawm, endik leh digitisation hnate chu vawiin June 17 hian an zo fel thei a ni.

Serchhip District Election Officer (DEO) Pu Paul L. Khuma chuan Special Intensive Revision tha taka kalpui a nih theih nana thawktu hrang hrang – Election Branch-a thawkte, ERO, AERO, BLO, BLA leh Media-te bakah khawtlang hruaitu leh tlawmngai pawlte thawhpuina zawng zawngah lawm thu a sawi a ni.

Pr. No. 165/2026 (SCP) Dated Serchhip 17th June, 2026
Issued by District Information and Public Relations Officer; Serchhip District, Serchhip.