Press Release Dated Serchhip, the 16th June 2026

SERCHHIP DC IN VB-GRAM G ORIENTATION TRAINING A HAWNG

Dated Serchhip, the 16th June 2026: Vawiin khan DRDO Serchhip huaihawtin Serchhip District chhunga Vikshit Bharat Grameen Rozgar Ajeevika Mission Guarantee: VB-G RAM G training chu Serchhip BDO Conference Hall-ah buatsaih a ni a, Serchhip District Bawrhsap Pu Paul L Khuma’n khuallian niin a hawng.

Bawrhsap Pu Paul L Khuma chuan thawktute chu tha thlah lo tura fuihin “VBGRAMG programme chu a ruangam a ni a, a tuam mawitu, a hlawhtlintirtu chu thawktute kan ni” tiin “Mipui kan ti beidawng tur a ni lo” a ti a. “Mizoram chu India rama VBGRAMG Notify hmasa ber state kan ni a, hei hi Serchhip District pawhin kan chhu zui anga, state puma hmahruaitu district ni turin ṭan ka la tur a ni” tiin kal khawmte chu a chah a ni.

Dr. Malsawmtluanga Fanchun, Project Director, DRDO pawhin thusawiin ‘Ni za inhlawhna’ tia sawi ṭhin MGNREGA chu sawrkar laipui chuan a hming leh a kalphung thlakin VB-G RAM G tih a ni tawh dawn tih a sawi a. Thil thar diai chu a ni lo nain, eng eng emaw tihdanglam a awm nual avangin, uluk taka zir a tul a. A hma aia tha zawka kan kalpui theih nan bul kan tan that hi a tul hle a, theihtawp kan chhuah a tul a ni, a ti a. Hun hlawk thlak tak an hman theih nan duhsakna a hlan a ni.

He hun hi Pu Stephen Laltlansanga Auhmun, ARDO Serchhip chuan a kaihruai a. Dr. Marilyn Lalruatkimi, BDO E. Lungdar, Dr. Lalramdintluanga, BDO Serchhip te bakah District chhunga RD Block pahnih – East Lungdar leh Serchhip RD Block a MGNREGA Staff te leh DRDO mi leh sate an tel a ni.

Vawiina training-ah hian thupui hrang hrang – ‘VB G RAM G kalphung’ tih te, ‘Solid Waste Management Act 2026’ tih te, ‘Scheme hnuaia hna thawh phal chin’ tihte inzirtir a ni

Pr. No. 162/2026 (SCP) Dated Serchhip 16th June, 2026
Issued by District Information and Public Relations Officer; Serchhip District, Serchhip.