Press Release Dated Serchhip, the 10th June 2026

SERCHHIP BAWRHSAP HOVIN SERCHHIP DISTRICT CHHUNGA NATIONAL HIGHWAY DINHMUN THLIR HONA NEIH A NI

Dated Serchhip, the 10th June 2026: Vawiin khan Serchhip District Bawrhsap Pu Paul L. Khuma hovin sawrkar laipuiin National Highway siam nana ram a lo lak tawhte leh kawng dinhmunte sawi hona DC Meeting Hall-ah neih a ni.

Meeting-ah hian National Highway siam nan sawrkar laipui Ministry of Road Transport & Highways kaltlanga President of India hminga ram lak tawh te, a ram hmun leh a zau zawng chhinchhiahna record fel taka siam a, Land Revenue & Settlement record-a ram neitu hming thlak fel dan turte sawi ho niin ram neitu dik tak ten an chanvo an hmuh theihna tur leh nakin zela inhnialna pumpelhna atan, Revenue Department leh NHIDCL ten a rang lama an chin fel dan turte rel niin, Fur ruahtui tlak avanga kawng chhe mai theite leh siam that hna chak taka thawh a nih theih nana hmalak dan tur hrang hrangte rel a ni.

Bawrhsap Pu Paul L. Khuma chuan contractor-te chu hna tha taka thawk a, ruahmanna anga hun tiam chhunga zo ngei tura tan la turin a chah a. Mipui tana kawng him leh tha siam chu sawrkarin a ngaih pawimawh thu a sawi bawk.

He meeting-ah hian Additional Deputy Commissioner Pi Dorothy Muansangi, Assistant Commissioner (Revenue) Pu Gaston Vanlalhriatpuia, NHIDCL Manager leh hotu dangte bakah Contractor leh sawrkar mi pawimawh dangte an tel a ni.

Pr. No. 153/2026 (SCP) Dated Serchhip 10th June, 2026
Issued by District Information and Public Relations Officer; Serchhip District, Serchhip.