Press Release Dated Serchhip, the 5th June 2026

SERCHHIP-AH SIR-2026 KALPUI MEK DAN THLIRLETNA NEIH A NI; MIZORAM-AH SERCHHIP DISTRICT CHU ENUMERATION FORM SEM ZO HMASA BER AN NI

Dated Serchhip, the 5th June 2026: Vawiin khan Serchhip District Election Officer Pu Paul L. Khuma hovin Serchhip District-a Special Intensive Revision (SIR)-2026 kalpui mek dan thlirletna leh sawi hona neih a ni.

Thutkhawmah hian Serchhip District chu Mizoram-ah SIR-2026 Enumeration Form 100% sem zo hmasa ber an nih thu tarlan a ni a. He hna hlawhtling taka kalpui a nih theih nan hian bial hrang hrangah ngawrh taka hmalak niin Training leh Awareness campaign hrang hrangte lo neih tawh a ni bawk.

Meeting-ah hian SIR-2026 chu, a hlawhtling thei ang ber leh chak zawka kalpui zel a nih theih dan tur hrang hrangte sawi ho niin, Voter Awareness Forum (VAF) te, Electoral Literacy Club (ELC) te hmangin hma lak zui zel tum a nih thu sawi lan a ni a; naktuk June ni 6 hian Mobile Van hmangin form thehluh kawnga harsatna awm theihna hmunte tlawh chhuah a ni bawk dawn a ni.

District Election Officer chuan he hna pawimawh tak mai tluang taka thawh a nih theih nana thawktute leh mawhphurhna changtu zawng zawngte chungah lawmthu sawiin, thahnemngai taka thawk chhunzawm zel turin a sawm bawk a ni.

Vawiin thutkhawmah hian Serchhip atangin Election Officer Pi Lalchhanhimi; ERO Pi Rebecca Laldinmawii Hrahsel; AERO Pu Vanthangpuia leh AERO Pu Chawngthu Lalrinhlua te an tel a. Biakhmuhtheihna hmangin Thenzawl SDO (C)/ERO Pu Lalhlimpuia leh N. Vanlaiphai atangin SDO (C)/ERO Pi Marilyn Lalruatkimi te an tel bawk a ni.

Pr. No. 152/2026 (SCP) Dated Serchhip 5th June, 2026
Issued by District Information and Public Relations Officer; Serchhip District, Serchhip.