Press Release Dated Serchhip, the 26th May 2026

SERCHHIP-AH SPECIAL INTENSIVE REVISION, 2026 ATAN BLO, ADDITIONAL BLO LEH SUPERVISOR-TE PUALIN TRAINING BUATSAIH A NI.

Dated Serchhip, the 26th May 2026: Vawiin khan Special Intensive Revision, 2026 atan Serchhip district-a Booth Level Officer (BLO), Additional BLO leh Supervisor-te pualin Serchhip DC Office-ah training buatsaih a ni. Training hawnna inkhawm hi Election Officer Pi Lalchhanhimi’n a kaihruai a, District Election Officer Pu Paul L. Khuma’n hun a hmanpui.

Bawrhsap Pu Paul L. Khuma chuan BLO, Additional BLO leh Supervisor-te chu mipuite’n vote an neih zelna turah an mawhphurhna a sang dawn hle a ni’ a ti a, theihtawp chhuah turin a fuih.

Vawiin training-ah hian District Level Master Trainer & Assistant Electoral Registration Officer ni bawk SDC Pu Vanthangpuia leh Serchhip RD Block BDO Pu Lalramdintluanga ten 26- Serchhip (ST) AC, 27- Tuikum (ST) AC leh 28-Hrangturzo (ST) AC hnuaia BLO, Addl. BLO leh Supervisor-te zirtirna an pe a; Serchhip District-ah hian an vaiin BLO – 88 awmin, Additional BLO – 29 leh Supervisors – 11 an awm a ni.

Training-ah hian SIR kalpui dan tur te, BLO App hman dan turte, BLO-te’n inziahluhna (Enumeration form) online-a an upload dan tur te, hun tiam chhunga upload hman lohte chu Draft roll atanga paih an nih tur thu te, hemi hun chhunga Form submit ve lote chuan a hranpaa form lachhuak a, dilna hranpa an siam a ngaih tawh tur thu te, chutih hunah chuan document tam tak phut a nih tawh dawn avangin, voter’s ID nei tawh sate’n document thil tel ngai lova Enumeration Form-a an inziah luh mai theih hun chhung, May ni 30 atanga June ni 28 chhung hian, tan lak nasat a tul thu leh tih dan tur hrang hrangte inzirtirna neih a ni.

SIR 2026-ah hian voter’s ID nei tawh sate pawhin Enumeration Form hi an fill-up that leh vek a ngai dawn a; BLO-te’n in tinah kalin Form hi an semchhuakin, an lakhawm leh vek anga, dah khah dan thiam lote an pui bawk ang. Hun tiam chhunga Form dah khat lo emaw thehlut lo emaw-te chu Electoral Draft Roll atanga paih an nih dawn a ni.

Pr. No. 134/2026 (SCP) Dated Serchhip 26th May, 2026
Issued by District Information and Public Relations Officer; Serchhip District, Serchhip.