Press Release Dated Serchhip, 22nd May 2026
SERCHHIP-AH SPECIAL INTENSIVE REVISION (SIR) 2026 CHUNGCHANGAH DISTRICT LEVEL STANDING COMMITTEE AN THUKHAWM
Dated Serchhip, 22nd May 2026: Vawiin khan Serchhip Deputy Commissioner Pu Paul L. Khuma kaihhruaiin District Level Standing Committee on Special Intensive Revision (SIR), 2026 chu DC Meeting Hall-ah an thukhawm. He thutkhawmah hian political party hrang hrang, tlawmngai pawl (NGOs), media leh chanchinbumi pawl aiawhte, Election Department hotute – Electoral Registration Officers (EROs), Assistant Electoral Registration Officers (AEROs) leh officer pawimawh dangte an tel a ni.
District Level Standing Committee Chairman, Bawrhsap Pu Paul L. Khuma chuan Electoral Roll dik, rintlak leh felfai a awm theih nana Special Intensive Revision neih mek a nih thu leh ramhnuk khawih thil a nih avangin uluk taka kalpui a pawimawhzia a sawi a. India ram khua leh tui dik takte chauh voter list-ah hian an chuang tur a ni tih sawiin, engkim lang tlang taka kalpui tur a nih thu a sawi a. Thawh hona tha tak neih a pawimawh thu sawiin, tlawmngai pawl, political party leh civil society-te chu he revision hna hi tha taka a kal theih nan Election Department thlawp tlat turin a ngen a ni.
Vawiin thutkhawmah hian Election Officer Pi Lalchhanhimi’n Special Intensive Revision, 2026 kalpui dan tur leh inkaihhruainate sawizauna a nei a; Serchhip district chhunga inbuatsaihna kalpui mek dante sawiin, thawktu zawng zawngte chu thahnemngai taka thawk tur leh, India ram khua leh tui dik takte chu, tu mah hmaih an nih lohna tura tan la theuh turin a chah a. Mipuite inzirtirna (awareness drives) leh voter outreach activity hrang hrangte pawh district chhung hmun hrang hrangah chak taka kalpui chhunzawm a nih tur thu a sawi bawk.
District Level Standing Committee on Special Intensive Revision (SIR) Chairman Paul L. Khuma’n lawmthu sawiin hun hi a khar a ni.
Pr. No. 131/2026 (SCP) Dated Serchhip 22nd May, 2026
Issued by District Information and Public Relations Officer; Serchhip District, Serchhip.
