PR Dated Serchhip, the 12th March, 2026

Serchhipah District Magistrate in Baktawng leh Chhuanthar Tlangnuam huam chhunga Furniture Workshop neite zawm tur hriattirna chhuah

Dated Serchhip, the 12th March, 2026: Serchhip District Magistrate Office lehkha No. A.60012/02//2012-DC (SRCP) dt. 09/02/2026 a tỉh chhuah tawh angin Baktawng leh Chhuanthar Tlangnuam huam chhunga Furniture Workshop-te atanga thingnawi leh rawng kahna khu te hian mihring hriselna a nghawng bakah vantlang tan harsatna a thlen thu dawn a ni a. A hnuaia inkaihhruaina tarlante zawm nih theih nan in hrilhhriatna leh puanzarna pawh neih ni tawhin, hetiang sumdawnna leh eizawnna ten mihring hriselna atana harsatna an thlenin emaw, vantlang tana harsatna an thlen a nih chuan, chutiang khapna leh khuahkhirh theihna chu District Magistrate hnen ah pek a ni a.

Pu Paul L Khuma, Serchhip District Magistrate chuan Section 152 (b) of BNSS, 2023 in thuneihna a pek angin a hnuaia inkaihruaina te hi Baktawng leh Chhuanthar Tlangnuam huam chhunga Furniture Workshop nei zawng zawng ten an zawm vek tur a ni tih thupek a chhuah:

1. Kawng sira thing zai, thing nawh, rawng kah te khap tlat a ni.

2. Kawng sirah Vangtlang tana hnawksak turin bungrua heng – Thing leh hnathawhna hmanrua te dah/chhek loh tur a ni.

3. Rawng kap leh thing nawt ten an Workshop atanga hnathawhna khu a chhuah loh nan inzarphui tur a ni a, hnathawkte pawn Mask vuah zel tur a ni.

4. Hnathawna khu te pawnlama a chhuah loh nan rang taka vacuum cleaner emaw hmanraw dang humanga thenfai zung zung tur a ni.

He thupek hian chhuah a nih atanga thla ruk (six months) chhung a huam ang.

He Inkaihhruaina dan zawm lote chu Section 223 of Bharatiya Nyaya Sanhita, 2023 dan hmangin kum khat (1 year) thleng lungin tan emaw, Rs. 5,000 (sangnga) thleng a chawitir emaw, a pahnih hmang pawhin hrem theih a ni ang.

Pr. No. 72/2026 (SCP) Dated Serchhip 12th March, 2026
Issued by District Information and Public Relations Officer; Serchhip District, Serchhip.
Myanmar, Bangladesh leh Manipur State atanga raltlan Serchhip District chhunga chengte chhawmdawl nan Mizoram Sawrkar chuan a thlawnin buhfai mi pakhat tan kg 35 zelin a sem dawn a.