Press Release Dated Serchhip, the 9th March, 2026

Raltlante ei tur buhfai sem dawn

Dated Serchhip, the 9th March, 2026: Serchhip District chhunga raltlan (displaced persons) te hnena buhfai sem dan tur vawiin khan Serchhip DC Pu Paul L Khuma hoin a pisaah thuneituten an rel.

Myanmar, Bangladesh leh Manipur State atanga raltlan Serchhip District chhunga chengte chhawmdawl nan Mizoram Sawrkar chuan a thlawnin buhfai mi pakhat tan kg 35 zelin a sem dawn a. Raltlan mi 995 te tan buhfai a thlawna sem tur hi ruahman a ni.

Meeting chuan Serchhip Sub Headquarters YMA te chu Branch YMA te kaltlanga sem turin a ngen a. Buhfai hi a lo thlen veleh mahni Branch YMA ten mahni venga raltlante tan an sem dawn a ni.

Vawiin meeting ah hian Serchhip DCSO, DLAO, Serchhip Sub Headquarters YMA hotute leh District thuneitute an tel a ni.

Pr. No. 67/2026 (SCP) Dated Serchhip 9th March, 2026
Issued by District Information and Public Relations Officer; Serchhip District, Serchhip.