Press Release Dated Serchhip, the 29th January, 2025

Thenzawl Peace City kaihhnawihah UD&PA leh AH&Vety Dept hotuten Thenzawl an tlawh

Dated Serchhip, the 30th January, 2026: Vawiin khan UD&PA leh AH&Vety Dept hotuten Thenzawl an tlawh a. Neihloh khaw hmun sawnna tur te, Thenzawl Peace City Greenfield hmun tur te, AH&Vety Department hmun thar tur te an enho a ni.

Thenzawl Golf Course a Programme buatsaihah Thenzawl Peace City Greenfield chungchanga an ruahhmanna te chu an Consultant rawih mek IPE Global ten an sawifiah a. Peace City Greenfield pumpui atan hian sum ruahman chu cheng vaibelchhe 500 vel a ni a. UD&PA Department lam hian SASCI 2026 chhunga Peace City project thun tur chinte ngaihvenin, SASCI bik atang hian Peace City project atan cheng vaibelchhe 150 vel hmuh theih an inbeisei a ni.

Greenfield atana hmunhma an hman tur hi tuna AH&Vety Dilpui hmun leh Thenzawl Golf Course ram huam chin thenkhat te a tel a. Chuvang chuan UD&PA Department, AH&Vety Department leh Tourism Department te nen sawihona neih niin vawiin hian heng Department aiawh te nen hian a hmunhma te enhoin inrawnkhawmna pawimawh neih a ni.

AH&Vety Dilpui ram hi ran chaw (fodder) chinna leh siamna hmun atana hman mek a ni a. Peace City hmunhma atana hman tum a lo nih tak avangin Fodder chinna hmun dang ngaihtuah a lo ngai ta a. Chuvangin, Neihloh khaw insawnna tur hmun hma hi thuneitute hian an tlawh a, fodder chinna hmun atana hman tlak a nih leh nih loh an enho a ni.

UD&PA Secretary Pu Lalmalsawma Pachuau, AH&Vety Secretary Pu C. Lalsangliana, Serchhip DC Pu Paul L Khuma, UD&PA Director, AH&Vety Director, Serchhip Additional DC, Thenzawl SDO Civil, Tourism aiawhte leh mi pawimawh dang te an tel a ni.

Pr. No. 31/2026 (SCP) Dated Serchhip 30th January, 2026
Issued by District Information and Public Relations Officer; Serchhip District, Serchhip