Press Release Dated Serchhip, the 21st January, 2026

Serchhipah DAMC meeting neih a ni

Dated Serchhip, the 21st January, 2026: Vawiin khan Serchhip Additional DC Pu Lalrinzuala hoin DC Meeting Hall ah District Agriculture Marketing Committee (DAMC) an thukhawm.
Meeting ah hian Serchhip District a DAMC member thar turte chungchang sawiho niin MAMB notification a ruatte bakah District in tul an tih ang officer te an ruat belh a. Serchhip District ah Secondary Collection Centre (SCC) pariat (8) a awm a. Chungte chu:-
1.Chhingchhip
2.Chhiahtlang
3.Thenzawl
4.Khawlailung
5.North Vanlaiphai
6.East Lungdar
7.Mualcheng
8. Lungpho
Heng SCC 8 viltu tur Supervisor inruat chungchang sawiho niin SCC tinah sawrkar officer 3 atanga 4 ruat an ni. Anni bakah hian SCC tin enkawltu tur Co-Ordinator te ruat an ni bawk.
SCC-a sum leh pai che vel enpuitu tur Audit Team din nghal a ni bawk a. Security Deposit chungchang pawh sawiho nghal niin kum kaltaa tih thin dan ang bawkin sawhthing leituten security deposit dah leh ngei se, tih chu tha an ti a ni.
January ni 16 a MAMB buatsaih Master Trainers training a Serchhip District aiawha kal officer pali – Dr C Vanlalchhanhimi, SDC; Pu Lalrinzuala, ADHO; Pu C Vanlalhruaia, DCP; Pi Melody L Betlu, SDEO te chuan report an pe a. DAMC member te hriat tur pawimawh sawiin kum kaltaa sawhthing hralh dan leh kumin hma kan sawn dan tur nia an hriat te an sawi a. Anni hian a tul angin mawhphurtu dang te training an pe dawn a ni.

Pr. No. 19/2026 (SCP) Dated Serchhip 21st January, 2026
Issued by District Information and Public Relations Officer; Serchhip District, Serchhip.