Press Release Dated Serchhip, the 12th December, 2025

Cooperation Commissioner Pu Udit Prakash Rai hoin Serchhipah DCDC thutkhawm neih a ni

Dated Serchhip, the 12th December, 2025: Vawiin chawhnu khan Serchhip DC Meeting Hall ah District Cooperative Office Development Committee(DCDC) Meeting vawi 6-na chu Pu Udit Prakash Rai, Commissioner & Secretary, Cooperation & DM&R Department leh Pu John LT Sanga, Registrar of Cooperative Societies hoin neih a ni.
Vawiin meeting-ah hian Serchhip District-a Cooperation Department hnathawh dan te thlir ho a ni a, cooperative society hrang hrangte hmasawnna tur leh tihlen zel dan tur te an sawiho. MIZOFED chu an sumdawnna zauh zel tur leh Mizoram Cooperative Apex Bank (MCAB) lam pawhin loan pekchhuah kawngah cooperative society-te duhsak turin an hriattir a. Society aiawh te pawhin an hmalaknate sawiin, hmunphiah hralhna kawnga harsatna an tawh mek chu chinfel pui turin state hotute hi an ngen a ni.
Mizoram State Cooperative Societies hotute hian vawiin vek khan Khumtung, Baktawng, leh Chhuanthar Tlangnuama cooperative societies an tlawh a. Khumtungah hian Farming C/S Ltd. balhhla umna hmun an tlawh a. Chhuanthar Multipurpose Building-ah society hotute nen inkawmhonna hun an hmang chhunzawm a. Chumi zawhah Serchhip khawpui pan leh nghalin, DC Meeting Hall-ah District Cooperative Development Committee (DCDC) thutkhawm an nei chhunzawm a ni.
DCDC Meeting-ah hian Serchhip District Cooperative Officer Pu C Vanlalhruaia, line department hrang hrang – DRDO, AH&Vety, Revenue, Fisheries, Agriculture hotute an tel a. Keitum M-PACS Ltd./Board of Director MAHFED Ltd., Baktawng Consumer C/S Ltd./Board of Director MSCU, District Cooperative Union, MIZOFED leh MCAB aiawh te an tel bawk a ni.

Pr. No. 392/2025 (SCP) Dated Serchhip 12th December, 2025
Issued by District Information and Public Relations Officer; Serchhip District, Serchhip.