Press Release Dated 3rd December, 2025

Serchhip-a International Day for persons with Disabilities hmang

Dated Serchhip, the 3rd December, 2025: International Day for persons with Disabilities chu vawiin khan Serchhip-ah District Bawrhsap Pu Paul L. Khuma hovin DC Pisapui Hall-ah hman a ni.
Khawvel puma rualbanlote ni puala Serchhip-a hun hmanah hian Bawrhsap Pu Paul L. Khuma chuan mihringte hi Pathianin a anpui-a a siam te kan nih thu leh kan hlut thu sawiin, he ni a lo thlen hian rualbanlohna neite enkawltu nu leh pate leh an chhungte pawhin hetiang mi enkawl tura Pathianin mawhphurhna min pek hi a pawimawh zia kan hriat thar a pawimawh thu a sawi a. Serchhipin rualbanlote enkawlna leh an inzirna School tha tak a nei pawh lawmawm a tih thu sawiin, School enkawltute leh thawktute inpekna chu ropui a tih thu a sawi. Bawrhsap chuan Vohbikte chu kan khawtlang nunhonaah enhrang bik lovin an ban-ah kan kaih zel a pawimawh thu leh harsatna an neih pawha kan tanpui zel a pawimawh tih kan hriat reng a tul thu a sawi bawk.
Vawiin-a International Day for persons with Disabilities puala hun hman hi Serchhip SDO (Sadar) Rebecca Laldinmawii Hrahsel chuan kaihruaiin Shalom Special School Serchhip-a Zirtirtu, Pi A. Lalawmpuii chuan he School lo din chhoh dan leh an kalphung te a sawi a, Pi Marilyn Lalruatkimi, SDC chuan lawmthu sawiin hun a khar a ni.
Serchhip-a International Day for persons with Disabilities puala hun hmanah hian Shalom Special School-a zirlaite leh thawktute telin Bawrhsap Pu Paul L. Khuma chuan thilpek a hlan theuh a, Shalom Spastic Society hruaitute, tlawmngai pawl hrang hrang, Khawtlang hruaitu, sawrkar Department-a thawkte leh thuthar thehdarhtute an tel bawk a ni.

Pr. No. 384/2025 (SCP) Dated Serchhip 3rd December, 2025
Issued by District Information and Public Relations Officer; Serchhip District, Serchhip.