Press Release Dated 25th November 2025

Serchhipah Special Awareness Campaign on Legal Provisions and matter for Government Officials of Mizoram neih a ni

Dated Serchhip, the 25th November, 2025: Vawiin khan Mizoram State Legal Services Authority leh Administrative Training Institute tangkawpin an buatsaih Special Awareness Campaign on Legal Provisions and matter for Government Officials of Mizoram chu DC Pisapui Hall Serchhipah neih a ni a, DC Pu Paul L Khuman khuallian niin a hmanpui.

DC chuan sawrkar hnathawk te intuaihriamna hun tha an buatsaih sak hi lawmawm a tih thu a sawi a. Mi nawlpuiin kan hriat zen zen loh dan leh hrai inhrilhhriatna hun a ni a ti. Dan hriatna hian inringtawk taka hna thawh theihna min pe a. Dan hmaah chuan hriatlohna hi chhuanlam tling a nih loh avangin kan hriatna kan tih zau belh zel hi a tul tak zet a ni a ti. Kan tih tur theuh hi tha takin ti ila dan hi siam a ngai kher lo mai thei a, mahse bawhchhia an awm thin hi dan siam chhan chu a ni, a ti.

He hun hi ATI Deputy Director (Admn) Pi Lalbiakimi chuan a kaihruai a. Financial year kan hman mek chhung hian District tinah hetiang inzirtirna hun hi hman tum a nih thu a sawi a. Aizawl districtah hman tawh niin, a tum hnihna hi Serchhipah hman a nih thu a sawi. Dan hriatna hi sawrkar hnathawk ten an awmna hmun theuha an mamawh a ni a, dan hriatna kawngah hian tun aiin sang ila sawrkar sum sen tam tak hi a pumpelh theih a ni a ti a. Dan kan hriatna a inchen loh avangin intuiatharna neih hi tul nia hriain he hun hi buatsaih a nih thu a sawi a, kalkhawmten hlawkna an chan ngei a beisei thu a sawi.

Thupui hrang hrang hmangin Pu Lalrosanga APP, Pi Josangzeli Tlau Civil Judge cum JMFC leh Pu Lalrinhlua ten kalkhawmte an zirtir a ni.

Pr. No. 371/2026 (SCP) Dated Serchhip 25th November, 2025
Issued by District Information and Public Relations Officer; Serchhip District, Serchhip.