Press Release Dated 18 November 2025
Serchhipah ‘Children Empowerment Summit’ neih a ni
Dated Serchhip, the 18th November, 2025: Vawiin nileng khan Serchhip DC Pisapui Hall-ah District Child Protection Unit, Women & Child Development, Serchhip District te buatsaihin ‘Children Empowerment Summit’ neih a ni a, Serchhipa High School 8 a zirlai naupangte an tel. Serchhip Bawrhsap Pu Paul L Khuma leh Serchhip SP Pu Gavit Gogna ten he hun hi an hmanpui a ni.
‘Children Empowerment Summit’ then khatna (1st Session)-ah hian ‘Build a strong future’ tih thupui hmanga hun hman a ni a. Serchhip Bawrhsap Pu Paul L Khuma chuan Serchhip DCPU hmalaknaa naupangte pual programme, November 14 ațang tawha vawiin thlenga an kalpui chu lawmawm a tih thu sawiin, DCPU te inpekna a lawmawm hle a ni, a ti. Resource person a nihna angina DC chuan naupangte fuihna thu a sawi a. Zirlai kalkhawmte chu an nih tum (aim in life) tun atanga hre tan tur te, hna leh eizawnna kawngah sang lua leh te lua a awm loh thu te, mi hlawhtling ni tura tumruhna leh taihmakna a pawimawhzia te sawiin, zirlai kalkhawmte chu an thu hriat te a taka nunpuitu nih tum turin a fuih a ni.
Serchhip SP Pu Gavit Gogna pawhin Zirlai naupangte kal zelna tur atana pawimawh hrang hrangte a sawi a. UPSC leh Civil Services Examination kalphung hrang hrangte Power Point Presentation hmangin a hrilhfiah a ni.
Dr Fabian Malsawmkima chuan medical profession lama zirlai naupang kal tumte tana hriat tur pawimawh a sawi a. Dr Zarzosanga, Assistant Professor, Govt Serchhip College chuan Hna leh Eizawna (Jobs & Profession) danglamna te, tun atanga zirlai ten anmahni theihna zawn theuha eizawnna bul an tan chhoh ve theih dan te a sawi a. Zawhna leh chhanna hun hlawk takin an hmangho bawk a ni.
Serchhip a ‘Children Empowerment Summit’ then hnihna (2nd Session)-ah Thupui ‘Mahni inhriat leh Mahni tan kawng sial (Know Who You Are & Forge Your Own Path)’ tih thupui hmanga hun hman a ni a. Chhang ur (Bakery & Confectionary), Thing deh (Carpentry), Lo/Huan thlai chin (Farming) leh Lawnga hnathawh (Cruise Ship Attendant) chungchang te zirho a ni a. He hun atana mi thiam sawm bik Resource Person te nen hlawk taka hun hmanho leh a nih hnuah, DCPO Pi R Lalramdinmawii chuan lawmthu sawiin ‘Children Empowerment Summit’ hi a khar a ni.
Pr. No. 366/2026 (SCP) Dated Serchhip 18th November, 2025
Issued by District Information and Public Relations Officer; Serchhip District, Serchhip.
