Press Release Dated 15 November 2025

Serchhipah Janjatiya Gaurav Diwas hmang

Dated Serchhip, the 15th November, 2025: Serchhip DC Pu Paul L Khuma hoin Serchhip Pisapui Hall-ah tribal te chawisanna ni Janjatiya Gaurav Diwas lawm a ni. He ni hi Munda hnama mi, zalenna sualtu – Birsa Munda pian champhaphak denchena hman thin a ni.
DC chuan mi huaisen Birsa Munda chanchin atangin zirtur tam tak kan nei a, lehkha zir ngaina mi a nihna te hi zirlai ten kan entawn a, nu leh pa te pawhin an fate fuih thar nan hmang se a duh thu a sawi a. Birsa Munda leh tribal dangte beihna avangin Chota Nagpur Tenancy Act 1908 a lo chhuak a, tribal mi te chenna ram chinah chuan non-tribal ten ram neitu nihna an nei thei lo a, hei hi keini Mizo te tan pawh malsawmna a ni, a ti. British sawrkar laka zalenna sualtu Mizo Lalnu Ropuiliani chanchin sawiin Pu Paul L Khuma chuan mi huaisen, a vawn tawh lai leng chu thlah duh ngai lo mi, mi rilru nghet, mahni inrintawkna nei mi a nihna te tunlai thangtharten entawn se a duh thu a sawi a. Mi huaisen kal hmasate hnung zuiin, keini pawhin kan ram tan, kan hnam tan, kan mawhphurhna te taima taka kan hlen chhuah a pawimawh a ni, a ti.
Vawiin programme ah hian Government Serchhip College zirtirtu pahnih Pu K Lalrinchhana leh Dr Zarzosanga ten Mizo pasaltha te leh zalenna sualtute, literature hmanga sulhnu pawimawh tam tak min hnutchhiah tute atanga zirtur kan neih te lakhawmin, zirlai leh Birsa Munda piancham puala Janjatiya Gaurav Diwas hmangtute an zirtir bawk a ni.
Janjatiya Gaurav Diwas hi kartluana neih a ni a. District Education Officer hmalaknain zirlaiten Mizo infiamna chi hrang hrang te an sikulah an entir a. High School chin chunglam tana buatsaih essay leh poetry writing competition lawmman vawiinah sem nghal niin lawmman dawngtute chu:
Essay: 1st Prize Lalhmangaihzuala Class XII Government Higher Secondary School, 2nd prize Zodinpuii, Class X, JM High School leh Vanlalhruaikima Class IX, Goodwill English Academy, 3rd Prize Lalchungnunga, Class XII, Government Higher Secondary School
Poetry: 1st Prize Lalrosanga, Class XII, Government Higher Secondary School, 2nd prize Lalramhmangaihpuii, Class IX, JM High School, 3rd Prize Lalhlimpuii, Class XI, Government Higher Secondary School
Programme hi Additional DC Pu Lalrinzuala’n a kaihruai a. Serchhip SP Pu Gavit Gogna, Serchhipa office hrang hrang hotute, khawtlang hruaitute, zirlai te leh tlawmngai pawl te an tel a. Zai leh Cultural dance te enho a ni a. DC bathlarah DIPRO buatsaihin photo exhibition neih a ni a; SHG ten an thil siam te lei theih turin an phochhuak bawk a; Mizo hmanlai thil hrang hrang en theih tura dah chhuah a ni bawk.

Pr. No. 364/2026 (SCP) Dated Serchhip 15th November, 2025
Issued by District Information and Public Relations Officer; Serchhip District, Serchhip.