Press Release Dated Serchhip, the 29th September, 2025

Serchhipah District Executive Committee under DAY-NULM, UD&PA an thukhawm

Dated Serchhip, the 29th September, 2025: Vawiin khan Serchhip DC Meeting Hall ah Pu Paul L Khuma, DC, Serchhip hovin District Executive Committee under DAY-NULM, UD&PA an thukhawm.
He meeting ah hian Patient Attendants Shelter, Serchhip District Hospital rama sak mek leh Family Shelter thawmthat (refurbishment) hna thawhte chu review na hun leh an hnathawh dan te sawiho a ni a. Department lamin Contractor hna thawh leh an thlen chin te report pe in Contractor te hnathawh chu lawmawm an tih thu leh hna chak zawka an thawh zel theih nan, running bill 45% siamsak a thuneitu te lamah thehluhsak ni se tih chu pawm a ni a. Family Shelter siamthat hna pawh chhunzawm vat a nih theih nan hmalak ni se, tiin an rel.
He meetingah hian Member Secretary leh DUDO Pu Gaston Vanlalhriatpuia, District Commerce & Industries Officer Pi Lalchhanhimi bakah MRB Serchhip, PWD, CMO, Area Level Federation aiawhte leh DUDO thawktute an tel a ni.

Pr. No. 324/2025 (SCP) Dated Serchhip 29th September, 2025
Issued by District Information and Public Relations Officer; Serchhip District, Serchhip.