Press Release Dated Serchhip, the 2nd October, 2025

Special Gram Sabha Keitum, Serchhip District ah neih a ni

Dated Serchhip, the 2nd October, 2025: Ministry of Tribal Affairs hnuaia Aadi Karmayogi Abhiyan chu kalpui mek niin tribal khua chawikanna tur leh hmasawnna hmathlir siam nan, Serchhip District chhunga Keitum chu Pilot Village-ah thlan niin vantlang inkhawm, Special Gram Sabha koh a ni a, khaw chhung hmasawnna atana ruahmanna hrang hrang rel ho a ni.

He special gram sabha hi Sawngkhara Hall, Keitum ah neih niin Pi Neeva Boro, Senior Assistant at the National Scheduled Tribes Finance and Development Corporation (NSTFDC), MoTA aiawh in a hmanpui a. Dr Marilyn Lalruatkimi, District Nodal Officer chuan kaihruaiin Dr Malsawmtluanga Fanchun, BDO & Block Nodal Office leh Pi Neeva Bora ten scheme nihphung te an sawi a. Pu Stephen Laltlansanga Auhmun, District Master trainer pawhin he scheme ina a tum te a sawifiah a ni.

He hunah hian khaw hmasawnna atana thawh dan tur Village Action Plan chu pharh niin mipui te nen sawiho a nih hnuah pawm a ni. Khawtlang mipui 80 aia tam an tel a ni. Aadi Karmayogi Abhiyan hnuaia thlan chhuah khaw hrang hranga hmalakna tur ruahmanpui tur hian Serchhip leh East Lungdar Block atan Block Master Trainer (BMT) 12 ruat niin, District Process Lab-ah training pek an ni tawh a. BMT-te kaihhruaina hian khaw tinin vantlang rorelnaah an khuaa hmalakna tur “Village Action Plan” an duang ang a, sawrkar ruahmanna (scheme) hrang hrang kaltlanga hmasawnna hna thawh chu he “Village Action Plan” mil hian kalpui a ni ang. Serchhip District ah khaw 23 an tel a ni.

Pr. No. 327/2025 (SCP) Dated Serchhip 2nd October, 2025
Issued by District Information and Public Relations Officer; Serchhip District, Serchhip.