Press Release Dated Serchhip, the 19th August, 2025

Serchhipah faina kawnga UD&PA leh PHE thawhho dan tur ngaihtuah

Dated Serchhip, the 19th August, 2025: Vawiin khan UD&PA leh PHE Department te faina kawnga an thawh ho dan tur ngaihtuahin Serchhip DC Meeting Hall-ah District Level Convergence Committee for SBM(U) and SBM(G), Serchhip chu an Chairman Pu Paul L Khuma, Serchhip DC hoin an thukhawm.
UD&PA hian Serchhip District chhunga khawpui – Serchhip, North Vanlaiphai leh Thenzawl ah te Swachh Bharat Mission (Urban) an kalpui a. PHE Department hian heng notified town tih loh khaw dang zawngah Swachh Bharat Mission (Gramin) an kalpui thung a. Tum thuhmun reng an nih avangin a theih chin chinah kaihkawp dan ngaihtuah a, Serchhip District a lo fai lehzual theihna tura ruahmanna siam chu tha a tih thu Serchhip DC Pu Paul L Khuma chuan a sawi.
Vawiin thutkhawmah hian Serchhip Sub Headquarters YMA leh Serchhip Town Joint Village Council hruaitute pawh an tel a. Heng Department pahnih ten faina leh thianghlimna kawngah te, bawlhhlawh sawngbawl leh a kaihhhawiha hmalakna an neih te chu a theih chin chinah suih fin tha an ti a. Department pahnih hotuten meeting neiin an thawh ho dan tur convergence plan mumal taka siam ni se tiin vawiin meeting chuan a rel a ni.
Meeting ah hian DUDO Pu Gaston Vanlalhriatpuia, PHED Senior EE Pu Isaac Lalchhuanawma te bakah sawrkar official dangte an tel a ni.

Pr. No. 270/2025 (SCP) Dated Serchhip 19th August, 2025
Issued by District Information and Public Relations Officer; Serchhip District, Serchhip.