Press Release Dated Serchhip, the 10th June, 2025

Serchhip DC-in QRT te chawimawina hlan

Dated Serchhip, the 10th June, 2025: Tun hnaia Serchhip khawpuiin khuarel chhiatna nasa tak a tawh laia mahni inlum pawh luah thei loa mi dang tana tlawmngaia penchhuak Serchhip Quick Response Team mi 12 te hnenah vawiin khan Serchhip DC Pu Paul L Khuma chuan DC Meeting Hall a programme tawi buatsaihah chawimawina a hlan.
QRT te inpekna fakin Pu Paul L Khuma chuan manganna karah beiseina siamtu, mi dangte thlamuantu leh harsatna do let tura chakna thar min pe tu in ni, a ti a. Serchhip mipuiten ruahsur leh leimin avanga chhiatna nasa tak an tawrh laia a hun taka penchhuak QRT te inpekna a chhuanawm tak zet a, fak leh chawimawi an phu a ni, a ti.
He hunah hian Additional DC Pu Lalrinzuala, District Disaster Management Authority CEO ni bawk chuan May 31 leh June ni 9, 2025 chhunga Serchhipa chhiatna nasa tak thleng kara QRT te hmalak dan leh an hnathawh te kim chang takin a tarlang a ni.
Serchhip Quick Response Team mi 12 hnenah hian Serchhip DC Pu Paul L Khuma chuan lawmthu sawina lehkha leh sumfai a hlan a ni.

Pr No. 192/2025 (SCP) Dated Serchhip 10th June, 2025
Issued by District Information and Public Relations Officer; Serchhip District, Serchhip.