Press Release Dated Serchhip, the 5th June, 2025

Serchhipah Ek Ped Maa Ke Naam hawng

Dated Serchhip, the 5th June, 2025: Serchhipah Ek Ped Maa Ke Naam hawnna hun neiin vawiin khan Serchhip District Plantation Committee Member Secretary Dr Malsawmtluanga Fanchun, Project Director, DRDO, Serchhip hoin Serchhip Zotawna Park ah thing tiak an phun.
Zotawna Park bakah hian P&E Venga Shelter for Urban Homeless ah te, New Serchhip Primary School leh Chhiahtlang Higher Secondary School ah te thing tiak 195 phun tum a ni a. Vawiin a hawnna programme ah hian thing tiak 50 an phun a ni.
Heng thing tiak an phun te hi AMRUT 2.0 hnuaiah Self Help Group ten tha taka an enkawl chhunzawm tur a ni a. World Environment Day denchhenin vawiin hun hi hman a niin Green Mizoram Day ah thing tiak te hi phun leh a ni ang.
Dr Malsawmtluanga Fanchun chuan an hun hman chhan sawiin nu (mother) te puala thingphun an nih thu leh “nute chu min chawi liantu an nih angin kan chenna hi kan duat let ve tur a ni” tih inzirtirna a nih thu a sawi a. Khawvel thang zelah kan ram ngaw te kan ti chereu nasa a, chu chuan nghawng nasa tak a nei a, kan chhehvel ram ngaw chhe zel kan siam that theihna tur chu thing kan phun belh leh enkawl chhunzawm nachang kan hriat hj a ni, PD chuan a ti.
Vawiin programme hi District Urban Development Officer Pu Gaston Vanlalhriatpuia chuan a kaihruai a. Serchhip Joint VC aiawh te, Chhim Veng leh Chanmari VC te bakah SHG te an tel a ni.

Pr No. 188/2025 (SCP) Dated Serchhip 5th June, 2025
Issued by District Information and Public Relations Officer; Serchhip District, Serchhip.