Press Release Dated Serchhip, the 21st May, 2025

Serchhip DAMC thukhawm

Dated Serchhip, the 21st May, 2025: Vawiin khan Serchhip District Agriculture Marketing Committtee (DAMC) chu an Chairman Pu Paul L Khuma, Serchhip DC hoin Serchhip DC Meeting Hall-ah an thukhawm.

Pu Paul L Khuma chuan sawhthing lei leh hralh hi sawrkar flagship programme a nih avangin sawrkar hnathawkten theihtawp kan chhuah a ngai, a ti a. Engtin nge hma kan sawn a nga, engtin nge chak leh zuala ke kan pen ang tih ngaihtuah a, harsatna te pawh langtlang taka inhrilhtawn zel a tul thu DC chuan a sawi a ni.

Secondary Collection Centre (SCC) tin atangin Supervisor leh Co-ordinator ten sawhthing lei zat, stock neih mek, hralh chhuah tawh leh PCC atanga lut leh tura an beisei zat te an report a. Sawhthing rate hi phai lamah a tlakhniam tak viau avangin SCC atanga hralhchhuah a harsat thu leh PCC atanga phur luh tur engemawzat la awm nia a lan avanga ngaihtuahna sen thar a tul thu sawilan a ni a. Furpui lo thleng mekah loneituten a phurh kawngah harsatna an tawh thu te, sawhthing a chawr leh tan tawh avanga hmanhmawh a ngaih thu meeting-ah an thlen a ni.

Meeting-ah hian heng harsatna hrang hrang an tawh mek te sawiho a ni a. Reserved price chungchang te, a hralhna rate siamrem chungchang te pawh sawilan a ni a. DAMC in SCC tin te tana inkaihhruaina a siam te tarlan niin loneitu te thatna tur leh rate tha zawka tihral theihna tur invenna hmanrua a nih avangin zawm ngei turin hriattir nawn leh an ni a. Supervisor te chu an bial theuha SCC te uluk taka vila, an hmalak dan te vila enzui pui tur leh, an harsatna te pawh tanpui a, a tul ang zela DAMC-a thlen thin ni se tiin an rel a ni.

Meeting-ah hian Serchhip District chhunga SCC Supervisor, Co-ordinator, auction team leh DAMC member dangte an tel a ni.

Pr No. 169/2025 (SCP) Dated Serchhip 21st May, 2025
Issued by District Information and Public Relations Officer; Serchhip District, Serchhip.