Press Release Dated Serchhip, the 6th May, 2025

Serchhipah Governor’s Discretionary Grant sem

Dated Serchhip, the 6th May, 2025: Vawiin khan Serchhip DC Meeting Room ah DC Pu Paul L Khuma’n Governor’s Discretionary Grant hlanna hun a hmanpui.
He hun kaihruaitu SDO(S) Pi Rebecca Laldinmawii Hralhsel chuan Governor’s Discretionary Grant sem a nih chhan a sawi a, Governor in mi harsate dawmkanna atana a pek thin niin chhawmdawlna inahte pawh pek thin a nih thu a sawi a. Kum kalta Krismas dawnah pawh khan heng chhawmdawlna in hrang hrangah hian pek a nih tawh thu a sawi bawk. Tun tumah hian chhawmdawlna in leh school hrang hrangah te hian cheng sing khat theuha pek niin DC in a hlan a ni.
DC chuan thusawin chhawmdawlna in enkawltute nen thawhhona tur a awm a nih chuan an inhawn reng thu a sawi a. Harsatna an nei a nih pawhin tanpui tura inhuam reng thu sawiin, Governor in duhsak taka tanpuina sum a pekte pawh tangkai taka an hman theih a beisei thu a sawi a ni.
Governor’s Discretionary Grant atanga tanpuina sumfai dawngtu Chhawmdawlna in/School 5 te chu hengte hi an ni:
   1) Adult Rehabilitation Centre, Chhiahtlang
   2) Beiseina In (Old Age Home), New Serchhip
   3) Zoar Urban Deprived Home, New Serchhip
   4) Unity Orphanage Home, Serchhip Hmar Veng
   5) Shalom Special School, New Serchhip
He hunah hian SDC Dr. Vanlalchhanhimi leh Dr. Marylin Lalruatkimi, Superintendent Pu F. Lallawmkima te bakah thilpek dawngtu chhawmdawlna in hrang hrang aiawhte an tel a ni.

Pr No. 145/2025 (SCP) Dated Serchhip 6th May, 2025
Issued by District Information and Public Relations Officer; Serchhip District, Serchhip.