Press Release Dated Serchhip, the 15th April, 2025

Serchhip khawpui chei mawi dan tur rel

Dated Serchhip, the 15th April, 2025: Serchhip District in UD & PA department buatsaih District Beautification Competition-a lawmman pathumna an dawn kal zelah vawiin khan Serchhip DC Pu Paul L Khuma hoin Serchhip khawpui cheimawi dan tur ngaihtuahin Serchhip DC Meeting Hall-ah Beautification Committee an thukhawm.
Serchhip khawpui cheimawina tur project siam niin he project-in a tum langsar zingah Park siam, thing phun, Bazar lun lai thawm cheimawi, fountain dah leh signage siam, ATM Water Vending Machine (Public Water Point) dah te, Bypass area-a Truck Bay siam te a tel a. Vawiin meeting-ah hian he project a taka kalpui dan tur ruahmanna thlirho a ni a. Beautification Committee hnuaia sub-committee peng hrang hrang ten ruahmanna an siam dan kimchang powerpoint hmangin an tarlang a. Member te huan sawihoin a fel lo lai te enho a ni a, rawtna hrang hrang te ngaihthlak a ni bawk.
He thutkhawmah hian Addl. DC Pu Lalrinzuala, DUDO & Member Secretary Pu Gaston Vanlalhriatpuia, sawrkar department leh tlawmngai pawl hrang hrang aiawh member te an tel a ni.

Pr No. 124/2025 (SCP) Dated Serchhip 15th April, 2025
Issued by District Information and Public Relations Officer; Serchhip District, Serchhip.